Gidari mozkor batek eraikin baten ataria jo du autoarekin Basaurin, eta sutea eragin du

Ibilgailu bat errepidetik irten da gaur goizean Basaurin, eta etxebizitza eraikin baten ataria jo du, Eusko Jaurlaritzaren Segurtasun Sailak jakitera eman duenez.

Kantabria kalean gertatu da ezbeharra, eta gas hodi bat apurtu da. Autoak su hartu du eta erabat kiskalita geratu da.

Suhiltzaileek joan behar izan dute sua itzaltzera, eta ke laino handia zabaldu da.

Eraikineko hiru bizilagun ospitalean artatu behar izan dituzte, kea arnastu baitute, eta gidariak erredurak egin ditu esku batean, Udalaren esanetan.

Iturri horren arabera, auto-gidariak positibo eman du alkoholemia proban, eta, besteak beste, bideko segurtasunaren aurkako delitua egotzita inputatuko dute.