% 60 hazi dira sexu indarkeriagatik 900 840 111 telefono zenbakira egindako deiak Euskadin, 2018tik gaur arte
Eusko Jaurlaritzako Berdintasun, Justizia eta Gizarte Politiketako sailburu Nerea Melgosak bere Sailak azaroaren 25era —Emakumearen Kontrako Indarkeria Desagerrarazteko Nazioarteko Eguna— begira antolatutako jardunaldi batean hartu du parte gaur, ostegunarekin. 900 840 111 telefono zenbakia kudeatzen duen Agintzariren Bilboko egoitzan egin dute topaketa.
"Indarkeria matxistaren biktimek ez dute biktima izatea hautatu. Ezin da onartu horren gaineko ezein interpretazio. Emakumeen eta gizonen arteko berdintasun ezaren adierazle larriena da indarkeria matxista, giza eskubideen urraketa baita, gobernu edo gizarte aurreratu bakar batek onartu ezin duena", esan du.
Halaber, Melgosak gogorarazi du 5.500 emakume baino gehiago daudela babespean Euskadin, eta 2003tik 1.300 emakume hil dituela matxismoak Estatu espainiarrean. Horregatik, galdetu du: "Bada beste alde batera begiratzeko gai den inor? Bada indarkeria matxista existitzen dela uka dezakeen norbait?".
Hitza hartu duenean, 900 840 111 telefono zerbitzuaren arduradun Oiane Zaratek azken sei urteetako datuak eman ditu, nabarmenduz sexu indarkeriagatik artatutako biktimen kopuruak izugarri egin duela gora; bereziki, azkenaldian. Hain zuzen ere, 310 dei jaso zituzten 2018an, eta 497 dei 2023an.
900 840 111 telefonora egindako deiak isilpekoak eta anonimoak dira. Nolanahi dela, zerbitzu horretako langileek ezinbestekotzat jo dute biktima guztiei jakinaraztea behar duten arreta eta babesa jasoko dutela zenbaki horretara deituta.
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.