Erregetako loteriak 3 milioi euro baino gehiago utzi ditu Euskadin
Erregetako Loteriaren Zozketa Bereziak 3 milioi euro baino gehiago utzi ditu Euskal Autonomia Erkidegoan (EAE) larunbat honetan. Saritutako dezimo gehienak Bizkaian saldu dira, eta gainerakoak, Gipuzkoan eta Araban.
Lehen (94974) eta hirugarren (57033) sariak hainbat tokitan egokitu dira; Laudion, Oionen, Leioan, Plentzian, Lasarte-Orian, Errenterian, Hondarribian, Donostian eta Zarautzen, besteak beste.
Lehen sariak (94794) bi milioi euro utzi ditu serie bakoitzeko (hau da, 200.000 euro dezimoko) toki askotan, hala nola Laudion, Oionen, Leioan, Plentzian, Hondarribian eta Donostian.
Serie bat Leioako Artea merkataritza-gunean dagoen administrazioan saldu da, eta hirugarren sariko beste serie bat ere saldu dute hor. Guztira, bi milioi euro baino gehiago banatu dituzte saritan. Jon Urkiola arduradunak esan duenez, "merezitako zortea izan da", Gabonetako bi loteria-zozketa nagusietan 6.500.000 euro inguru banatu ostean "lan asko" egin baitute.
Lehen saria Espainiako Estatuko beste hainbat tokitan ere banatu da: Bartzelona, Madril, Zaragoza, Las Palmas, Santa Cruz Tenerifekoa, Alacant, Valentzia, Badajoz, Murtzia, Valladolid, Burgos, Salamanca, Balearrak, Sevilla, Kordoba, Jaen, Cadiz, Almeria, Albacete, Pontevedra, Caceres, Castello, Girona, Tarragona, Ourense, Asturias, Ciudad Real, Cuenca, Coruña, Granada, Guadalajara, Leon, Palentzia, Lugo, Malaga eta Teruel.
Bigarren saria, 89634 zenbakiduna, Madrilgo Mostoles herrian egokitu da oso-osorik.
Halaber, hirugarren sariak milaka euro utzi ditu Laudion, Leioan, Lasarte-Orian, Errenterian eta Zarautzen, 57033 zenbakiarekin.
Espainiako Estatuan, berriz, hemen saldu da: Madril, Sevilla, Valladolid, Alacant, Asturias, Badajoz, Balearrak, Caceres, Cadiz, Kordoba, Coruña, Cuenca, Jaen, Las Palmas, Santa Cruz Tenerifekoa, Lleida, Lugo, Malaga, Valentzia, Castello, Zaragoza, Almeria, Huelva, Pontevedra, Ourense, Lugo, Huesca, Albacete, Ciudad Real, Avila, Bartzelona, Murtzia, Palentzia eta Toledo.
Halaber, serieko 1.000 euro (dezimoko 100 euro) egokitu zaizkie amaiera hau duten dezimoei: 507, 296, 161, 978, 872, 506, 114, 488, 730, 428, 281, 568, 644 eta 598.
Bestalde, serieko 400 euro (40 euro dezimoko) jasoko dituzte amaiera hau duten dezimoek: 66, 40, 32, 65 eta 99.
Gainera, azken zenbakia 1 eta 9 duten dezimoei dirua itzuliko zaie, hau da, 200 euro serieko (20 euro dezimo bakoitzeko).
Nafarroan ez da hiru sari nagusietako bakar bat ere egokitu.
Erregetako loteriak 770 milioi euro banatuko ditu saritan
Erregetako loteriak 770 milioi euro banatu ditu larunbat honetan egin den zozketan, 2023an baino 70 milioi euro gehiago. Lehenengo sariak serieko bi milioi euro eman ditu; bigarrenak, serieko 750.000 euro; eta hirugarrenak, serieko 250.000. Gainera, 3.500 euroko 20 sari, 1.000 euroko 1.400 sari, eta 400 euroko 5.000 sari ere eman ditu.
Estatuko Loteria eta Apustuak Espainiako erakundeak zabaldutako datuen arabera, Euskal Autonomia Erkidegoan, batez beste, 23,54 euro jokatu ditu herritar bakoitzak; Nafarroan, aldiz, 14,48 euro.
Bizkaian gastatu dute diru gehien herritarrek (30,27 euro), Araban (18,35 euro), Gipuzkoan (15,26 euro) eta Nafarroan (14,48 euro) baino gehiago. Espainiako Estatuan batez beste 17,97 euro gastatu ditu Erregetako loterian loteriazale bakoitzak.
2023ra arteko datuak kontuan izanda, 19 aldiz banatu dute sari nagusia Bizkaiko hiriburuan, zortzi bider jausi da sari potoloa Donostian, eta behin, Gasteizen. Nafarroan, aldiz, birritan saldu dute zenbaki sariduna.
Zure interesekoa izan daiteke
Albistea izango dira: Bilbao Basketi harrera, Enplegu Publikoaren Legea eta petrolioaren prezioa
Hauek dira ostegun honetan, 2026ko apirilaren 30ean, titular nagusiek hartuko dituzten gaiak:
Udaletxea eta Aldundia lotuko ditu Surne Bilbao Basketen ospakizunak, estali gabeko autobus batean
Surne Bilbao Basketen Europako bigarren tituluaren ospakizuna kaleetara eramango da gaur, Miribillan lortutako garaipenaren ondoren. Bilboko Udaletxean eta Bizkaiko Foru Aldundian egingo dira ekitaldiak.
Eusko Jaurlaritzak eta Osasun ministroak elkarri eskatu diote medikuen gatazkan pausoak emateko
Maria Ubarretxenak, Eusko Jaurlaritzaren bozeramaileak, uste du Osasun ministroarentzat "lehentasuna" izan beharko litzatekeela greba amaitzea. Monica Garciaren ustez, ordea, Eusko Jaurlaritzak neurri batzuk har ditzake eta hartu behar lituzke, eta galdetu du ea "eskumenak inbaditu" behar dituen.
Medikuak kalera irten dira Bilbon eta Donostian, grebaren inguruko tentsioa gora doan bitartean
Greban dauden medikuek salatu dutenez, Eusko Jaurlaritzako Osasun Sailak presioak egin ditu aparteko orduak egiten jarrai dezaten, eta Ministerioari leporatu diote "ardura inoren gain uztea".
Aita Marik ateak irekiko ditu Itsas Salbamendu Humanitarioaren hamargarren urteurrena ospatzeko
Asteazken honetan, itsasontziak Euskadiko hainbat portu bisitatuko dituen birari ekin dio. Lehen geltokia Bilbo izango da, eta dagoeneko Itsasmuseumean bisitatu daiteke.
Mugikortasun iraunkorrari eta elikagaien industriari lotutako LHko bi titulu berri onartu ditu Eusko Jaurlaritzak
Onartutako curriculumak honako hauek dira: Mugikortasun Seguru eta Jasangarrirako Prestakuntzako Goi-mailako Teknikaria eta Oliba-oliogintzako eta Ardogintzako Teknikaria.
EAEk diskoteketako atezainen gaineko kontrola gogortu du, araudian "hobetu daitezkeen alderdiak" zuzentzeko
Erregelamendua erreformatuta, errazagoa izango da gaikuntzak baliogabetzea eta arau-hausteengatik jarduerak berehala etetea.
Espainiak antibiotiko kaxa handiak kendu eta txikiagoak merkaturatuko ditu, erabilera desegokiak saihesteko
Osasun publikoko arrazoiengatik hartu da erabakia, gaixoek etxean sobera dituzten botikak erabiltzeko "tentaziorik" izan ez dezaten.
Guardia Zibilak ziberiruzurren aurkako operatiboa zabaldu du Gasteizen
Goizeko lehen orduan hasi da operatiboa, Lakua auzoan, eta oraingoz ez dute atxiloketei ezta miaketei buruzko xehetasunik eman.
Udako eguzki-eklipsea prestatzeko entsegu egunak: Eguzkia abuztuaren 12ko posizioan izango da iluntzean
Gaur-biharretan, Eguzkiak abuztuaren 12a izango duen posizio bera izango du, 20:27 inguruan. Hori dela eta, fenomenoa ikusteko tokirik onena zein den egiaztatu ahal izango da.