Fronte hotz batek zaparradak eta hotza ekarriko dizkigu eguerditik aurrera
Eguerditik aurrera, fronte hotz batek bete-betean harrapatuko du Euskal Autonomia Erkidegoa (EAE), eta ondorioz, atzean utziko dugu azken egunotan izan dugun giro antiziklonikoa. Zaparradak, tenperaturen jaitsiera nabarmena, eta elurra espero dira 1.000 metrotik behera.
Hegoaldeko haizea dabil eta epel antzera abiatu dugu eguna (17 ºC kostaldean). Ufada gogorrak espero direla eta, 06:00etatik 15:00etara abisu horia dago indarrean. Haizeguneetan 100 km/h-ko abiadura hartuko dute, eta toki babestuagoetan, 60-80 km/h-koak. Arratsaldeko lehenengo orduan mendebal/ipar-ekialdera egingo du haizeak.
Gainera, 15:00etatik 00:00etara itsas arriskuagatik ezarriko dute abisu horia. Iragarpenaren arabera, 3,5 metro inguruko olatuak egongo dira goizean, eta 4 metrorainokoak arratsaldean.
Fronteak eguraldia petralduko du eguerditik aldera. Haizearen norabidea aldatuta, mendebaldetik ekialdera sartuko da frontea. Hodeiak ugaritu egingo dira eta zerua estalita geratuko da; arratsaldea euritsua izango da. Ekaitzak ere jo dezake, txingorrarekin.
Bihar, elurragatik abisua
Ostiralean neguko eguraldia izango dugu, aspaldiko partez. Tenperatura asko jaitsiko da eta elur-kota 800 metro inguruan egongo da. Zerua hodeitsu egongo da, eta zaparradak botako ditu, sarriago eta indar handiagoz egunaren bigarren partean eta Kantauri isurialdean. Egunaren lehenengo partean barnealdean prezipitazioa oso urria izango da. Ekaitzak jo dezake, txingorrarekin batera. Mendebaldeko haizea ibiliko da, kostaldean eta Ebro ibarrean indartsua izango da.
00:00etatik larunbateko 00:00etara, 1.000 metrotik behera zurituko du. Hori dela eta, abisu horipean egongo da Euskadi egun osoan. Lehenengo orduetarako euri gutxi eta mardula espero da, nahiz eta kostaldean maizago prezipitatuko duen. Egunaren bigarren zatian, euri gehiago egingo du, eta ekaitz eta txingor arriskua ere egongo da. Araban, goiz partean ez du euririk egingo.
Ostiralean, baita, itsas arriskuagatik egongo da indarrean abisu horia, 00:00etatik gauerdiraino, 5 metrorainoko olatuak egongo direla aurreikusi baitute.
Zure interesekoa izan daiteke
43 urteko bizkaitar bat itota hil da Castro Urdialeseko Oriñon hondartzan
Abisua 17:45 aldera jaso zuten. Erreskatatzaileek uretan flotatzen topatu zuten biktima, eta larrialdietako taldeek ahaleginak egin zituzten arren, ezin izan zuten salbatu.
3.000 pertsona inguru bildu ditu Osasun Bidasoak Irunen, kalitatezko osasun-zerbitzu publikoak eskatzeko
Bidasoako bizilagunek osasun publikoan premiazko hobekuntzak egin beharra daudela ohartarazi dute berriz ere larunbat honetan Irunen. Izan ere, Bidasoa Ospitalean eta eskualdeko lehen mailako arretako zentroetan kolapsoa izateko arriskua dagoela salatu dute. Deitzaileek gogora ekarri dutenez, duela urtebete 12.000 pertsona bildu ziren, pediatriako larrialdiak eta haur eta gazteen psikiatria zerbitzuaren itxiera salatzeko, eta egoerak ez duela hobera egin adierazi dute.
Dena prest Amurrion, Araba Euskaraz jaia ospatzeko
Goizeko 10:00etan hasita, egun osoko egitarau oparoa antolatu dute Arabako Ikastolen jaiaren baitan. "Taupadak berpiztu" da aurtengo leloa eta "hizkuntza eskubideak exijitzeko aldarrikapen espazio bat" izatea nahi dute antolatzaileek.
33 pertsona artatu behar izan dituzte EAEn beroagatik
EAE eta Nafarroako Erribera abisu horian egon dira beroagatik 13:00etatik 20:00etara. Igandean ere abisu horia errepikatuko da ordu tarte horretan. Gueñesen eta Laudion erregristratu dira eguneko maximoak: 38,5 eta 38 gradu, hurrenez hurren.
Milaka lagun joan dira Urkiolara, San Antonio eguneko azokaz eta erromeriaz gozatzera
Urtero hutsik egiten ez dutenak ere ez dira gutxi, tradizioari jarraituz. Aurten lehen aldiz, lehiaketa antolatu dute, bisitariek zaldi ederrena aukera dezaten. Azoka, bertsolariak eta umeentzako jarduerak ere ez dira falta izan.
Euskarak bizi duen "larrialdiaren" aurrean "biziberritze ziklo berri bat" beharrezkoa dela aldarrikatu du Kontseiluak Iruñean
Manifestazioa hiru zutabetan zatitu dute, eta Askatasun Plazatik atera den zutabean hainbat ordezkari politikok hartu dute parte: Ana Ollo Euskara kontseilariak, Unai Hualde Nafarroako Parlamentuko presidenteak eta EH Bilduko eta Geroa Baiko parlamentariek, besteak beste.
Euskararen aldeko aldarria goizean goizetik Iruñean, Euskaltzaleon Martxaren aurretik
Euskararen aldeko mobilizazio handia egingo da gaur Iruñean Euskalgintzaren Kontseiluak deituta. 17:00etan hiru zutabe abiatuko dira hiriko hiru puntutatik, eta bakoitzak mezu bat eramango du: euskararen ofizialtasun osoa eskatu, hizkuntza politiketan jauzia emateko premia aldarrikatu, eta euskaltzaletasuna azpimarratzeko. Aurrez, hainbat ekintza daude martxan goizetik Nafarroako hiriburuan.
Palestinarekin Elkartasuna taldeko aktibistak identifikatu dituzte, CAFen Beasaingo lantegirako sarbidea oztopatzeagatik
Protesta modu baketsuan egin dute CAFen fabrikara sartzeko zubian. 30 bat gaztek eserialdia egin dute, eta ibilgailuei bidea moztu diete. Ondorioz, identifikatu egin dituzte, baina ez dute inor atxilotu.
1.500 dronek Bilboko zerua argiztatu dute, Iberdrolaren 125. urteurrena ospatzeko
Jende askok gozatu du Iberdrolaren urteurren berezirako berariaz diseinatu duten eta musika eta efektu bisualak izan dituen ikuskizunaz. Guztira 1.500 dronek argiztatu dute Bilboko zerua.
EHUren festa erraldoia
Ikasketak amaitzen dituzten 4.000 ikasle inguru elkartu dira EHUko graduazio ekitaldi handian. Nøgen, Janus Lester, Maialen Lujanbio eta Amets Arzallus aritu dira oholtza gainean. EHUk txapela eman die graduatuei, birretak eman beharrean.