Ertzaintzak ondorioztatu du foam jaurtigai batek zauritu zuela Villabonako gaztea, "errebotez"
Tolosako inauterietan, Xuhar, Villabonako 16 urteko gazteak begian jasandako zauriak goma-aparrezko jaurtigai batek eragindakoa izan zela jasotzen du Ertzaintzak epailearen esku jada utzi duen txostenak.
Hala ere, txostenaren hipotesi nagusia da beste pertsona baten besoan jo ondoren "errebotez" zauritu zutela Xuhar begian.
Ertzaintzaren jokaera protokoloen araberakoa izan zela ere badio txostenak, hau da, jaurtigailua 50 metro baino urrutiagotik bota zuela eta gorputzaren beheko aldera.
Horrenbestez, Ertzaintzak epailearen esku utzitako txostenak errebotearen hipotesia lehenesten du.
Alegia, Tolosan, otsailaren 12ko goizaldean sortutako liskarrak desegitera joan ziren ertzainetako batek foamezko jaurtigaia bota ziola, ertzainen aurka botila bat botatzera zihoan gazte bati. Jaurtigaiak gaztearen besoan jo eta errebotez haren ondoan zegoen Xuharren begian jo eta zauritu zuen.
Goma-aparra jaurti zuen ertzaina identifikatuta dago, eta gau hartan ertzainek jasotako aginduak zeintzuk izan ziren jasota daude.
Villabonako Udalak Xuhar babesteko plataformaren mozio bat onartu zuen atzo, asteazkena, Ertzaintzaren jarduketagatik erantzukizunak argitzeko eskatuz.
Mozioa aurrera atera zen EH Bilduren aldeko 8 botoekin. EAJk eta PSE-EEk, aldiz, horren aurka bozkatu zuten.
Zure interesekoa izan daiteke
Lau urteko espetxe zigorra ezarri diote Donostiako Katalunia plazako aparkalekuan emakume bat bortxatu zuen gizonari
Aipatutako espetxe-zigorraz gain, zortzi urteko urruntze-neurria bete beharko du, eta epe horretan ezingo da emakumearekin harremanetan jarri, eta kaltetuari 8.000 euro ordaindu beharko dizkio.
Eusko Legebiltzarrak "ikasle kalteberak bidez kokatzea" lortzeko bidean aurrera egiteko eskatu du
Ganberak EAJren eta PSE-EEren zuzenketa bat onartu du, eskola plangintza eta zonifikazioa indartzearen alde egiten duena, eskola inklusiboagoa bultzatzeko. PPren ekimena atzera bota dute, baita Sumarren osoko zuzenketa ere.
Festa lehertu da Tolosan, hasi da sei eguneko jaia
Txilabak soinean jantzita eman diote hasiera inauteriei eta gaurtik eta datorren asteartera arte festak ez du etenik izango.
Hainbat tabernatan izandako lapurretak argitu dituzte Nafarroan
Foruzaingoak eta Guardia Zibilak lau pertsona atxilotu dituzte Foru Erkidegoan hiru lapurreta egitea eta ibilgailuak lapurtu eta erretzea egotzita.
Errege Kopako finalera Hondarribitik Sevillara joateko hegaldiak, 800 euroan
Hegaldien prezioak gora egin du eta partidara joan ahal izateko eskala luzeak edo egun bat lehenago bidaiatu beharko dute zaleek, hegazkin-txartelen metabilatzaile baten arabera.
Albiste izango dira: 150 km/h arteko haizea, inauterietako txupinazoa Tolosatik eta Osoko Bilkura Legebiltzarrean
Gaurkoan Orain-en albiste izango direnen laburpena, bi hitzetan.
Behin-behinean aske utzi dute Gernika-Lumon bikotekidea hiltzea egotzita atxilotutako emakumea
54 urteko emakumea asteazken honetan atxilotu zuten, 2025eko azaroaren 22an senarra hil zuelakoan. Epailearen aurrera joan ostean, epaitegiak behin-behinean aske uztea agindu du.
Auto-pilaketak eta arazo txikiak errepideetan lehen orduan, haize-bolada zakarren ondorioz
Gainera, Gipuzkoan zuhaitzak erori dira eta luizi txikiak izan dira bigarren mailako errepide-sarean. Trafiko Sailak arretaz gidatzeko eskatu du, haize zakarra dabilelako.
Donostiako epaitegi batek baliogabetu egin du Gipuzkoako Aldundiko administrarien plaza guztietan euskararen C2 profila eskatzea
CCOO sindikatuaren hitzetan, epaiaren oinarria da eskaintza horretako plazen % 100ean profil hori eskatzeak “desproportzionaltasuna” eragiten duela.
Ipar Euskal Herriko hainbat tren-zerbitzu etenda egongo dira bihar, Nils ekaitza dela eta
SNCF tren-konpainiak jakinarazi duenez, Hendaia eta Akize eta Baiona eta Puyoo artean ez da tren-zerbitzurik izango bihar goiz osoan, eta Baiona eta Donibane Garazi lotzen dituen linea, berriz, ostiral goizera arte egongo da etenda.