Marokotik iritsitako marrubi batzuetan A hepatitisa dagoela ohartarazi dute
RASFF (Rapid Alert System Feed and Food) atari komunitarioak ohartarazi duenez, A hepatitisa dago Marokotik Espainiara iritsitako marrubietan.
Astelehen honetan igorritako jakinarazpen baten arabera, arrisku "serioa" da, substantzia horren "gehieneko maila" (25 gramo) gainditzen duelako.
Valentziako Nekazarien Elkartea (AVA-Asaja) "kezkatuta" agertu da eta "premiazko neurriak" hartzea eskatu die Espainiako Gobernuari eta Europar Batasunari. Ohar batean salatu duenez, "arriskutsua da osasun publikoarentzat, eta baliteke elikagaian agertu izana ur beltzekin ureztatzeagatik".
Sindikatuak gutun bat bidali dio Luis Planas Nekazaritza ministroari, "Marokoko Gobernuari lehenbailehen azalpenak eskatzeko eta horrelako berriro ez gertatzeko zer neurri hartuko dituen zehazteko".
Ildo beretik, AVA-Asajak Planasi eskatu dio "Europar Batasuneko agintari eskudunei helarazteko Marokotik datozen marrubi guztiei osasun-ikuskapen zehatza egin diezaietela, eta, beste herrialde batzuetako fruta eta barazkietan osasun-alerta gehiago antzemanez gero, produktu horiei kontrolak egiteko, kontsumitzaileen osasuna jokoan dagoelako".
Asaja Bruselari ere igorri zaio eskaria, Europar Batasuneko erakundeetan arazoari heltzeko.
AVA-Asajak osasun-alerta horren berri eman die Valentziako Erkidegoko kontsumitzaile-elkarte nagusiei eta Valentziako Medikuen Elkargo Ofizialari, "giza osasunerako duen arriskuagatik".
Zure interesekoa izan daiteke
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean. Garbitasunetarako, kiroldegira joan behar dute. Oinarrizko zerbitzu horiek lehenbailehen berreskuratzeko buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela-zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.