Gazteei preserbatiboak doan banatzea aztertzen ari da Osasun Ministerioa, STIak geldiarazteko
Osasun Ministerioak 14 eta 22 urte bitarteko gazte guztientzako preserbatiboak finantzatzen hasi nahi du sexu-transmisiozko infekzioen (STI) hedapen kezkagarria geldiarazteko "osasun publikoko oinarrizko neurri" gisa. Gazte horiei, haien errenta edozein dela ere, osasun-txartelean kargatuko litzaizkieke preserbatiboak, farmazietan hartu ahal ditzaten, pandemian beste osasun-produktu batzuekin egin zen bezala.
Monica Garcia Osasun ministroak Senatuan egindako agerraldian iragarri duenez, "sistema publikoak estaltzeko aukera aztertzen ari gara", eta "doakoa izatea erosteko ahalmen txikiagoa duten eta STI tasetan igoera handiak dituzten gazteen adin-tarteetarako".
"Ez du zentzurik infekzio bat saihesteko txertoak Gizarte Segurantzak ordaintzea, baina ez preserbatiboa bezalako hesi-metodo bat", nabarmendu du ministroak Senatuan, bere sailak legegintzaldi honetarako dituen ildo nagusiak azaltzerakoan.
Ondoren, hedabideei egindako adierazpenetan gaineratu duenez, transmisioaren gorakadak gehien kaltetutako adin-tarteetatik hasi behar da, haiek direlako erosteko ahalmen txikien dutenak, gehienak ikasleak direlako eta ez dutelako lanik egiten.
"Ekin egin behar dugula uste dut, eta badugu hesi-metodo bat, aski ezaguna dena, eta finantzatu beharrekoa", azpimarratu du.
Jesus Aguilar Farmazialarien Elkargoen Kontseilu Nagusiko presidenteak "farmazialarien lankidetzarako prestutasun osoa" agertu du, Monica Garcia Osasun ministroak ostegun goizean iragarritako gazteentzako preserbatiboen doakotasunaren aurrean.
"2022ko Sexu Transmisiozko Infekzioen Zaintza Epidemiologikoa Espainian" izeneko azken txostenak, eskuragarri dagoen azkenak, infekzio horien gorakada berri bat adierazten du: gonorrearen eta sifiliaren kasuan, gorantz doa urtez urte kasu kopurua 20. urtez segidan, eta horien intzidentzia 25 eta 10 aldiz biderkatu da, hurrenez hurren; klamidiak, berriz, % 245 egin du gora 2016tik.
20-44 urte bitarteko helduei eragiten diete batez ere infekzioek, baina sifili eta gonorrea kasuak bereziki deigarriak dira gizonen artean, eta klamidia emakumeen artean.
Zure interesekoa izan daiteke
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa ingurua vs hirigune handiak: hirietako bi autoko hiru daude landaguneetan
Trafiko Zuzendaritza Nagusiaren (DGT) azken erregistro ofizialen arabera, Hego Euskal Herriko landa-ingurunean metropoli-eremuetan baino % 55 auto gehiago daude biztanleko, eta kasu batzuetan herriko bizilagunen kopurua gainditzen dute.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.
Genero-arrakala, Euskadiko mugikortasunean: Gizonezkoen joan-etorrien % 46k autoa erabiltzen dute eta emakumezkoen % 50 oinez
Eguneroko joan-etorrien % 40 autoz egiten dira. 19 urtetik beherakoak mugikortasun jasangarriaren buru dira, haiek baitira bizikleta eta garraio publikoa gehien erabiltzen dituztenak.
Autoa, Hegoaldean: gero eta zaharragoa, dieselak nagusi jarraitzen du eta elektrikoen presentzia oso txikia da
Euskadiko eta Nafarroako turismoen batez besteko adinak bi urte baino gehiago egin du gora (ibilgailuek 12 urte dituzte, batez beste). Errekuntzakoak (diesela eta gasolina) nagusitzen dira, eta ibilgailu elektrikoen kopurua oso txikia da (% 2tik beherakoa).
Sokamuturra berriro egiteak zatiketa eragin du Eibarren
Eibarren, bigantxak kalera aterako dituzte datorren astean, azken urteetan desagertua zen sokamuturrari berriro helduz. Udalerrian eztabaida erabatekoa da, aldekoen eta kontrakoen artean, eta zatiketa eragin du. Zatiketa horren erantzule egiten dute oposizioko alderdiek alkatea bera.
Sei adingabe artatu dituzte bero-kolpeen ondorioz, AP-68an, Kuartango parean, autobusak matxura izan ondoren
Arazo mekanikoa 13:10 aldera jazo da, ibilgailua Zaragozarantz zihoala, trenbidearen bazterbidean geldirik geratu denean matxura baten ondorioz. Autobusean 60 pertsona inguru zihoazen, gehienak 15 urte inguruko nerabeak.
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.