Albiste izango dira: Abisu horia elurragatik, Gazako gerra, eta Gasteizko Mercedes lantegia handitzeko lanak
Honako gai hauek hartuko dituzte gaur, 2024ko martxoaren 26an, hedabideetako lerroburu nagusiak:
- Abisu horia elurragatik: Eusko Jaurlaritzako Segurtasun Sailak abisu horia ezarri du elurragatik 09:00ak arte, elur-kota 600 edo 800 metrora jaistea espero baita, batez ere Euskal Autonomia Erkidegoaren ekialdean. Hala ere, kota igo egingo da goizean, eta 1.000 metro inguruan kokatuko da egunaren bigarren partean. Halaber, Nafarroako Pirinioak abisu horian egongo dira elurragatik 12:59ak arte, eta, noizean behin, elurra egin dezake Nafarroako erdigunean, 600 metrotik gora.
- Gazako gerra: NBEko Segurtasun Kontseiluak Gazan su-etena eskatzen duen ebazpena onartu du astelehen honetan, lehen aldiz eta aurretik huts egindako lau saiakeren ondoren. Izan ere, Israelen etengabeko erasoek 32.300 pertsona hil dituzte sei hilabete baino gutxiagoan. Halaber, Francesca Albanese Nazio Batuen Erakundeko Palestinako lurralde okupatuari buruzko kontalari bereziak azken orduetan aurkeztutako txostenaren arabera, Israel palestinarren aurka "genozidioa" egiten ari dela pentsatzeko froga nahikoa daude.
- Mercedes Benz: Gasteizko Mercedesen gaur aurkeztuko dituzte lantegia handitzeko lanak, furgoneta elektriko berria ekoiztu ahal izateko. Lanak duela hilabete batzuk hasi baziren ere, ofizialki gaur inauguratuko dituzte. Mercedes Benzeko goi kargudunez gain, Iñigo Urkullu lehendakaria eta Pedro Sanchez Espainiako Gobernuko presidentea bertan izango dira.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.