Abisu horia aktibatuta Euskal Herrian, Erriberan salbu, haizeagatik
Atzo gertatu bezala, gaur ere Eusko Jaurlaritzako Larrialdiei Aurre Egiteko eta Meteorologiako Zuzendaritzak abisu horia aktibatu du 15:00etan, Araba, Bizkaia eta Gipuzkoako zenbait puntutan 100 km/h-tik gorako haize boladak espero baitituzte.
Gaur, osteguna, haizeari dagokion abisu horia 15:00etan sartu da indarrean, eta gauerdian amaituko da, 100 km/h-tik gorako ufadak neurtuko baitira haizeguneetan, batez ere mendebaldean. Horrez gain, haizeguneak ez diren eremuetan 60-80 km/h-koak izan daitezke.
Halaber, nabigaziorako arriskuagatiko abisua indarrean egongo da egun osoan zehar eta itsasgorarekin bat egiten duen kostaldeko inpaktuagatik, 05:00etatik 07:00etara eta 17:00etatik 20:00etara.
Ostiralean ez da hain haize zakarra ibiliko, eta Segurtasun Sailak itsasaldeko arriskuagatik ezarritako bi abisu horiei bakarrik eutsiko die. Bata nabigaziorako, 00:00etatik 06:00etara, eta bestea kostaldeko inpaktuagatik (05:00-08:00).
Abisuak Nafarroan eta Ipar Euskal Herrian
Aemetek zabaldutako informazioaren arabera, gaur haizeari dagokion abisu horia 14:00etatik 22:00ak arte egongo da indarrean lurraldearen ipar eta erdian. Pirinioetan, berriz, 14:00etatik ostiraleko 06:00ak arte egongo da indarrean.
Horrez gain, Meteofrancek alerta laranja eta abisu horia iragarri ditu haizeagatik, Pirinio Atlantikoetan. Zehazki, Ipar Euskal Herrian 12:00etatik 15:00etara alerta laranja ezarriko dute eta orduan abisu horia izatera pasatuko da, gauerdira arte.
Ostiralera begira, Nafarroa iparraldea eta Pirinioak abisu horian egongo dira, 12 ordutan metro koadroko 40 litro pilatzea espero baita.
Halaber, Pirinioetan elurragatik ezarriko dute abisu horia 17:00etatik gauerdira arte, 900 metro inguruan elurra egin dezakeelako.
Donostiako Pasealeku berria, itxita ibilgailuentzat
Hain justu, olatu handiengatik ezarritako abisua tarteko, Donostiako Udalak Babes Zibilak Pasealeku Berria itxiko die ibilgailuei. Bertan sartzeko debekua gaurko 14:00etatik ostiraleko 08:00ak arte egongo da indarrean, Sociedad Fotograficatik aurrera. Gainera, Santa Klara irlara joatea ere debekatu egin dute itsasoaren egoeragatik.
Bestalde, Getxo eta Portugalete arteko Bizkaia Zubiaren goiko pasabidea itxita dago.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.