Beroa, 30 °C-rainoko maximoekin, eta hego-haizea protagonista
Tropikoz hegoaldeko aire-masa batek tenperaturak igoarazi ditu, eta hego-haizearekin batera, uda beteko eguraldia utziko digu asteburuan. Gaua epela izan da, eta txoko askotan ez dira 20 ºC-tik jaitsi.
Larunbatean, beroarekin eta hegoaldeko haize zakarrekin jarraituko dugu. Tenperatura maximoak 25-30 ºC ingurukoak izango dira; gainera, goi-hodeiak eta hauts-gandua izanagatik ere, eguzkia ikusiko dugu. Arratsalderako, aldaketa espero da: haizeak ipar ipar-mendebaldera egingo du isurialde atlantikoan, eta hodei gehiago iritsiko dira; gainera, haizearen norabide aldaketarekin, tenperatura jaitsi egingo da pixkanaka. Ez da baztertzen gauean zaparrada trumoitsu batzuk botatzea.
Bezperan bezala, Araba, Bizkaia eta Gipuzkoa abisupean izango dira haize-bolada gogorrengatik gauerditik eguerdira. Baso-suteak direla-eta, abisu horia egongo da indarrean 00:00etatik 21:00etara.
Igandean, tenperaturaren jaitsiera eta zaparradak izango dira. Tenperatura nabarmen jaitsiko da, eta balio altuenak 18-20 ºC inguruan geratuko dira. Hodei ugari izango dira zeruan, eta baliteke noizbehinka zaparradak botatzea; ez da baztertzen tarteka trumoiak jotzea. Haizeak iparraldetik joko du.
Gandua nabarmena izango da asteburuko bi egunetan. Are gehiago, baliteke larunbat iluntzean harea-ekaitzak izatea.
Astelehenean, euria egingo du egunaren bigarren partean. Haizea egun osoan nabarmenduko da, hego-mendebaldetik joko du lehenengo eta ipar-mendebaldetik helduko da arratsaldetik aurrera. Tenperatura pixka bat igoko da isurialde atlantikoan, eta berdintsu jarraitu edo apur bat jaitsiko da isurialde mediterraneoan. Zeruan ostarteak izango dira goizean, eta zerua estalita egongo da egunaren bigarren partean; euria egingo du orduan, batez ere isurialde atlantikoan.
Asteartean, tenperaturak jaitsi egingo dira baina atertzera joko du, eta eguraldi hobea espero da asteazkenetik aurrera, ostarte zabalagoekin.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Sua berriro piztu da Derion, goizaldean itzali eta ordu gutxira
Sua asteleheneko 20:30ak aldera piztu zen San Isidro auzoko baso-eremu batean, Loiuko aireportutik gertu. Suhiltzaileek sugarrak erabat itzaltzea lortu zuten arren goizaldeko 05:30ak aldera, sua berriro piztu da eta lanean ari dira une honetan, sugarrak itzaltzen.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.