Epaileak Gerard Piqueren enpresaren kontu korronte bat blokeatzeko agindua eman du
Espainiako Superkopa Saudi Arabiara eraman zuen kontratua ikertzen ari den epaileak Gerard Pique FC Bartzelonako jokalari ohiaren Kosmos Football S.L. enpresaren kontu korronte bat blokeatzeko agindua eman du. Kontu horretan, Sela erakunde saudiarabiarraren ordainketak jasotzen ditu oraindik, ustezko "komisio arrakastatsuengatik".
Ebazpen batean, Majadahondako (Madril) Lehen Auzialdiko eta Instrukzioko 4 zenbakiko Epaitegiak onartu egin du Fiskaltzak kontu hori blokeatzeko egindako eskaera. Izan ere, uste du "ikerketa aurrera eramatean eztabaidagarritzat jo daitezkeela Superkoparen kontratazioan enpresa horren alde komisio edo arrakasta-tarifa gisa finkatutako zenbatekoak".
Epaileak azaldu duenez, neurriaren helburua Sela Company Sport Saudi Arabiako erakundeak "dagozkion diru-sarrerak egiten jarraitzea da, orain arte egin den bezala", baina Kosmos Footballek "kopuru horiek" izatea galarazi du, prozeduran erantzukizun zibilak egonez gero enpresa horrek ordaintzea bermatzeko.
Superkopari buruzko kontratua ikertzen ari da epailea, eta 2022ko urrian laguntza judiziala eskatu zien Andorra Printzerriko agintariei FC Andorrak Mora Banc bankuan duen kontu bati buruzko datuak bilatzeko. Gerard Pique futbol talde horretako jabe nagusia da.
Orain kaleratutako ebazpenean, epaileak gogorarazi du Kosmos ikertzen ari diren enpresetako bat dela, ustelkeria, administrazio desleiala eta kapitalak zuritzea egotzita, eta auzian Espainiako Futbol Federazioaren (RFEF), Kosmosen eta Sela Company Sporten arteko kontratua ikertzen ari direla.
Erabakia Luis Rubialesek epaitegian ikertu gisa deklaratzeko egun gutxi falta direnean hartu du epaileak. Apirilaren 29rako deitu dute auzi horren baitan, eta RFEFri lotutako kontratuetan egon daitezkeen irregulartasun batzuk ere ikertzen ari dira, Rubiales Federazioko erakundearen buru zenean.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.