Bizkaibusek zaintza zentral bat izango du eta manparak jartzea aztertuko du segurtasuna hobetzeko
Bizkaibusek segurtasuna areagotzeko hainbat neurri jarriko ditu martxan, besteak beste autobusen zaintza hobetzeko zentral bat, eta gidarien aurkako erasoak saihesteko manparak jartzea aztertuko du.
Sonia Perez Bizkaiko Garraio, Mugikortasun eta Turismo diputatuak agerraldia egin du ostegun honetan Bizkaiko Batzar Nagusietako Batzordean. Elkarrekin Bizkaiak Bizkaiko autobusetako langileen segurtasuna hobetzeko ezarriko dituzten neurrien berri emateko eskatu dio. Izan ere, martxoaren 19an langileek greba egin zuten jasaten dituzten eraso fisikoak eta hitzezkoak areagotu egin direla salatzeko.
Diputatuak azaldu duenez, Bizkaibuseko segurtasuna areagotu egingo da Aldundiak eta Eusko Jaurlaritzako Segurtasun Sailak ibilbide "gatazkatsuenen" zaintza areagotzeko akordioa lortu ostean.
Adostutako ekimenen artean, egoera kritikoetan gidariek nola jardun jakiteko protokolo bat eta arrisku handieneko ibilbideak igarotzen diren eskualdeetako ertzain-etxeekin zuzenean komunikatzeko bide bat aktibatzea daude.
Aurreikusitako beste neurrietako bat "zaintza-zentral bat" ezartzea da, bideozaintza-sistema baten bidez erabiltzaileen eta gidarien mugimenduak "monitorizatzeko".
Zure interesekoa izan daiteke
Eusko Jaurlaritzak EHuri eskatu dio euskara azterketetako zeroen auziko "balizko gorabeherak" aztertzeko
Unibertsitate eta Hezkuntza sailburuek eta errektoreak urgentziazko bilera bat egin dute, giro adeitsuan. Aurretik, Jaurlaritzako bozeramaileak azkartasuna eskatu du zuzenketetan, eta zuzenketa horiek unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.