Bi emakume atxilotu dituzte Donostian tratamendu mediko-estetikoak egiteagatik, beharrezko egiaztagiririk gabe
Ertzaintzak 39 eta 32 urteko bi emakume atxilotu ditu Donostian, edertasun-zentro batean tratamendu mediko-estetikoak egiteagatik, horretarako dagokion akreditazioa izan gabe. Atxilotu zituztenean, Europar Batasunaren berme-ziurtagiririk ez zuten hainbat substantzia injektagarri ere konfiskatu zizkieten, baita 7.000 euro ere.
Joan den larunbatean, Donostiako komisariako agenteek dispositiboa abiatu zuten edertasun-zentroaren inguruan, Gipuzkoako Sendagileen Elkargo Ofizialak beharrezko akreditaziorik ez zuten pertsona batzuk bertan ebakuntza estetikoak egiten ari zirela salatu ondoren.
Lokalera joan ziren agenteek bertan eskaintzen ziren zerbitzuez galdetu zuten, zehazki, azido hialuronikoaren, toxina botulinikoaren etab. injekzioez, eta horiek egiten zituzten pertsonei zegokion dokumentazioa eskatzean, egiaztatu ahal izan zuen ustezko bi medikuek ez zutela inolako mediku-akreditaziorik.
Lan egiten zuten lekuan produktu injektagarriak zituzten kristalezko ontzi batzuk aurkitu zituzten, eta etiketetan ez zutela Europar Batasunaren berme-ziurtagiririk egiaztatu zuten, eta, beraz, agian ez zituztela osasun-baldintzak betetzen ondorioztatu zuten.
Egoera horren aurrean, produktu horiek, ebakuntzak egiteko erabiltzen zituzten gainerako tresnekin eta gauzekin batera, konfiskatu egin zituzten eta bi emakumeak atxilotu egin zituzten, lan-intrusismoa, osasun publikoaren aurkako delitua eta lesio-saiakera leporatuta.
Gainera, 7.000 euro inguru aurkitu zizkieten. Era berean, lokalean zegoen beste pertsona bat ikerketapean geratu zen ustez inplikatuta egoteagatik.
Bi atxilotuak polizia-egoitzara eraman zituzten gero, izapideak egin eta, horiek amaitzean, agintari judizialaren eskuetan jartzeko.
Ikerketak zabalik jarraitzen du.
Zure interesekoa izan daiteke
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Hasi dira presoak Martuteneko espetxetik Zubietara lekualdatzen
Goizean hasi dira, furgonetetan, presoak Martuteneko espetxetik ateratzen. Gauzak ondo bidean, aste honetan amaituko da lekualdatzea eta kartzela zaharra ekainaren 24an itxiko dute betiko, bertan zeuden 254 presoak Zubietara eraman ostean.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Eusko Jaurlaritzak EHUri eskatu dio euskara azterketetako zeroen auziko "balizko gorabeherak" aztertzeko
Unibertsitate eta Hezkuntza sailburuek eta errektoreak urgentziazko bilera bat egin dute, giro adeitsuan. Aurretik, Jaurlaritzako bozeramaileak azkartasuna eskatu du zuzenketetan, eta zuzenketa horiek unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.