Gipuzkoako Aldundiak 22 zehapen-espediente ireki dizkie abenduan Debako uxaldian parte hartu zuten ehiztariei
Gipuzkoako Foru Aldundiak 22 zehapen-espediente ireki dizkie abenduaren 17an Debako ehiza uxaldian parte hartu zuten ehiztariei. Izan ere, une horretan etxean zegoen 75 urteko emakume bat hil zen, galdutako bala baten tiroa jasota. Zehapen-espedienteak alegazio fasean daude oraindik, baina horietako hiru epaitegietan dira, bide penaletik jarraituko baitute aurrera.
Xabier Arruti Gipuzkoako Foru Aldundiko Lurralde Oreka Berdeko diputatuak ostegun honetan eman du horren berri, Lurralde Oreka Berdeko Batzordean. Arrutik azaldu duenez, honako lau arau-hauste hauek izan dira nagusi kasu horietan guztietan: "Baimendu gabeko eremuan uxaldia egitea, segurtasun eremuaren barruan ehizatzea, pertsonen osotasuna arriskuan jartzea eta uxaldi eskaeraren informazioa gertaerekin bat ez etortzea".
Ildo horretatik, 2/2011 Ehiza Legean oinarrituta, hiru mailako isunak aurreikusten dira ireki diren espedienteetan. Alde batetik, "50 eta 500 euro bitarteko arau-hauste arinak"; bestetik, "501 eta 2.000 euro bitarteko arau-hauste larriak" (urtebete eta hiru urte bitartean ehizan ibiltzeko debekua aurreikusten dutenak); eta, azkenik, "2.001 eta 6.000 euro bitarteko arau-hauste larriak" (hiru eta bost urte bitartekoa izan daiteke ehizan ibiltzeko debekua).
Arrutik azaldu duenez, Ertzaintzarekin eta Gipuzkoako Ehiza Federazioarekin elkarlanean aritu da Aldundia zehapen-espediente horiek tramitatzeko. Hala, erakundeen arteko elkarlanari esker lortu dute ehiza uxaldi horretan parte hartu zuten ehiztariak identifikatzea, baita bakoitzaren kokapena zehaztea ere.
Gainera, abenduaren 17ko ekintzarako izena-eman ez zuen ehiztari bat identifikatu dute. "Emakumearen heriotza eragin zuen tiroa zein ehiztarik jaurti zuen argitu du Ertzaintzak", esan du Berdintasun, Justizia eta Gizarte Politiketako sailburuak. Ehiztariek denboraldiko baimena zuten, baina beste eremu batean aritu ziren ehizan.
Zehapen-espedienteez gain, Aldundiak beste neurri batzuk hartu ditu "gertatutakoa errepika ez dadin". Testuinguru horretan, ehiza eta arrantzari buruzko bisorea berritzeko lanean ari direla aurreratu du Arrutik. "Datozen ehiza denboraldiei begira, bisore horretan egunero egiten diren uxaldien inguruko informazioa herritarren esku dagoela gogoraraziko diegu Udalei", gaineratu du. Herritarrek unean uneko informazioa jaso dezakete, eta, edozein zalantza izanez gero, salaketa jar dezakete.
Albiste gehiago gizartea
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa kontrolpean hartu dute. Nolanahi ere, suhiltzaileek eta udaltzainek ingurua hesitu eta trafikoa moztu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.
Sopelako eta Urduñako hainbat igerileku itxi dituzte, uretan gorotzak agertu direlako
Zikinkeria horren jatorria sare sozialetan zabaldu eta birala egin den erronka batean dago. Uda hasi denetik dozenaka igerileku itxi dituzte Estatuan, arrazoi beragatik.
Istilurik gabeko gaua Torre Pachecon, baina tentsioak jarraitzen du ultraeskuindarren deialdi berriengatik
Ultraeskuindarrek kontzentrazioa deitu zuten atzo, baina ez zen istilurik izan, poliziaren presentziagatik. Deialdi berrien aurrean segurtasuna indartu dute. Hainbat hedabidetako kazetariek ehun bat ultraren jazarpena sufritu dute.
Donostiako Udala salatu dute Xabi Alonsoren txaletaren eraikuntzan prebarikazioa egin dutelakoan
Haritzalde eta Ekologistak Martxan elkarteek salaketa jarri dute Gipuzkoako Fiskaltzaren aurrean Donostiako Udalaren aurka, futbolari ohiaren txaletaren obretan Igeldon sarbide mugatu bat erabiltzea baimentzeagatik.
Albiste izango dira: Karmen Eguna, Torre Pacheco eta Sitgesko zinema jaialdiaren aurkezpena
Gaurkoan albiste izango direnen laburpena, bi hitzetan.