Bilbok hainbat ikuskizunekin ospatuko du bere sorreraren urteurrena asteburu honetan
Bilbok bere sorreraren 724. urteurrena ospatuko du larunbat honetan, ekainak 15. Horretarako, Udalak 33 emanaldi artistiko eta hainbat ikuskizun ibiltari biltzen dituen egitarau zabala prestatu du, tokiko, estatuko zein nazioarteko sortzaileen proposamenekin. Ostiral eta larunbat arratsaldean gauzatuko diren jarduera horiek 'Gau Zuria' dinamikaren parte izango dira.
Aurten, argi eta musika ikuskizunak berreskuratuko dira, Arriaga Antzokiaren fatxadan eta Eleiz Museoko klaustroan hainbat 'mapping' (soinuarekin lagundutako irudien proiekzioak) eginez.
Era berean, hainbat kultura-gune irekiko dira aldi berean (Arriaga Antzokia, Arte Ederren Museoa, Azkuna Zentroa, Euskalduna Jauregia, Eleiz Museoa eta Itsasmuseum, besteak beste), eta modu berezian dekoratuko dira hiri-paisaiaren eguneroko espazioak, elizak, plazak, parkeak, kaiak edo zubiak.
Berrikuntza modura, Bilborock Aretoa eta BilbaoArteko "Uribitarte 40" erakusketa areto berria gehituko zaizkio ibilbideari. Gainera, hiriko auzoek ere protagonismo berezia izango dute edizio honetan; besteak beste, Atxuri, Alde Zaharra, Bilbo Zaharra, Indautxu eta Abandoko emanaldi artistikoekin.
Larunbatean, alegia, Bilboko sorreraren urteurrenean (1300. urtean sortu zen), Bilboko bandera igoko da Ernesto Erkoreka Plazako erdiko lorategietan, Juan Mari Aburto alkatea buru dela, udalbatzako ordezkariekin batera.
Ondoren, Plaza Biribilean, Diego jaunaren omenez herritarren lore-eskaintza egingo dute agintariek, dantzari eta txistulariekin batera, erromeriaz gozatzeko.
Juan Mari Aburto Bilboko alkateak nabarmendu du honakoa kultura herritarrei hurbiltzeko proposamena dela. "Bilbo galaz, sormenez eta teknologiaz jantziko da, hain adierazgarria den egun honetan hiri-paisaiak eraldatuko dituen edertasuna topatuko dugu", adierazi du alkateak.
'Gau Zuria'ren programan soinu-eskulturak, instalazio interaktiboak, parte-hartzaileak eta murgiltzaileak, musika, antzerkia, dantza eta formatu handiko jokoak aurki daitezke. Gainera, Bilboko hainbat espaziotan zehar ibiliko diren bi ikuskizun ibiltari egingo dira.
Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.