Gonorrea eta klamidia kasuek gazteen artean "ikaragarri gora egin dute" azken lau urteetan, EAEn
Klamidiak eta gonokokoak (gonorrea) eragindako infekzio kasuak "izugarri igo dira" azken lau urteetan Euskal Autonomia Erkidegoan (EAE), batez ere 25 urtetik beherakoen artean. Hori dela eta, Eusko Jaurlaritza sexu-hezkuntzako programa berri bat prestatzen ari da datorren ikasturtean ezartzeko.
Iaz, Osakidetzak 1.484 klamidia kasu, 1.109 gonorrea kasu eta 274 sifilis kasu diagnostikatu zituen, Hiesaren eta Sexu Transmisiozko Infekzioen Planaren 2023ko Memoriaren arabera. Osasun Sailak gaur eman ditu datu horiek.
Sexu-transmisioko infekzioek urteak zeramatzaten gorantz, baina 2021etik "ikaragarri gora egin dute". Hala, klamidiaren infekzio-tasa ia bikoiztu egin da 2020 eta 2023 artean, 100.000 biztanleko 57,55 kasutik 106,93ra igaro baita. Gonorrearen kasuan, igoera are handiagoa izan da: 2020an 100.000 biztanleko 27,55 kasu izatetik 2023an 79,07 izatera.
Nolanahi ere, gorakada urrunetik dator. Horrela, duela hamarkada bat, 2014an, klamidiagatiko infekzio-tasa 31,53koa zen (orain hirukoitza baino gehiago da), gonorrearena 12,20koa (egungoa baino zazpi aldiz gutxiago) eta sifiliarena 3,50ekoa 100.000 biztanleko (orain 14,48koa da).
GIBari dagokionez, iaz 134 kasu berri diagnostikatu ziren EAEn, eta horietatik % 12,7 25 urtetik beherakoak izan ziren. Guztira, 6.351 paziente antirretrobiralekin tratatu ziren, eta horrek 19 milioi euro inguruko gastua ekarri zuen.
25 urtetik beherakoen artean eragin handiagoa
Sexu-transmisioko infekzioek genero eta adin guztietako pertsonei eragiten dieten arren, eragin handiagoa dute 25 urtetik beherakoen artean. 10-24 urteko taldean, klamidia-tasa adin-tarte guztietako handiena da, 100.000 biztanleko 527,98 kasurekin; ondoren, 25-34 urteko taldea dago, 408,88ko tasarekin.
Antzeko zerbait gertatzen da gonorrearekin: 100.000ko 361,74 kasuko tasa da 20-24 adin tartean, eta 297,72koa 25-34 urtekoen taldean.
Datorren ikasturteari begira, Eusko Jaurlaritzako Osasun eta Hezkuntza sailak lanean ari dira sexu-hezkuntzako programa berritzeko eta hobetzeko.
Gainera, herritar guztiak, baina batez ere gazteak, sentsibilizatzeko, aurtengo udan 'Ez egin matchik STIekin' kanpaina berriro jarriko dute martxan. Kanpaina horren helburua sexu-transmisiozko infekzioak ikusaraztea da, batzuetan sintomarik azaltzen ez dituztela ohartaraztea eta preserbatiboa babesteko modurik onena dela gogoraraztea.
Zure interesekoa izan daiteke
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitza tasatua da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestu bat eskuratzeko baremoen gainetik dago, baina merkatu libreko prezioen azpitik".
Normaltasuna berreskuratu dute Bi-30 errepidean, auto-istripu batek Avanzadan eta Txorierrin hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten den iruzurrarekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago iruzurra egitea babes ofizialeko etxebizitzak saltzean, eta ezkutuan erosleari gainbalio bat eskatzea. Babes ofizialeko etxeak espekulazioaren aurka egiteko sortu zirela defendatu du eta praktika horien aurka gogor egingo dutela jakinarazi du.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.