Eguraldi eguzkitsuak zaparrada trumoitsuak ekarriko ditu arratsean, eta giro freskoa gailenduko da asteburuan
Eguzkia nagusitu da ostiral goizean, eta tenperatura altuak eta zeru oskarbiak izan dira. Datozen orduetan, ordea, ezegonkortasuna areagotu egingo da. Ildo horretatik, zaparrada trumoitsuak izan daitezke eta txingorra ere egin dezake, 3 zentimetrotik gorakoa, EITB Mediaren meteorologia zerbitzuak jakitera eman duenez.
Tenperatura maximoak 30 ºC-tik gorakoak izan daitezke barnealdean, eta 25-27 ºC-koak kostaldean. Termometroak 34 ºC-ra irits daitezke Iruñean, 33 ºC-ra Gasteizen, 28 ºC-ra Bilbon eta 26 ºC-ra Donostian.
Arratsaldean, aldaketak espero dira, hodeiak agertu eta zaparrada trumoitsuak izango baitira lurraldearen zati handi batean. Hori dela eta, Eusko Jaurlaritzako Segurtasun Sailak abisu horia ezarri du gaurko, 18:00etatik 24:00etara, ordubetean metro koadroko 15 litro baino gehiago bota ditzakeelako. Erriberan eta Nafarroako erdialdean ere, Aemetek ohartarazi du 17:00etatik aurrera ekaitzak, txingorra eta haize-bolada oso gogorrak izan daitezkeela.
Bihar, larunbata, egun goibela izango dugu, eta euria edo zirimiria egin dezake ipar partean, baita hegoaldeko zenbait tokitan ere; beraz, giro freskoa eta hezea nagusituko da. Tenperaturak nabarmen jaitsiko dira, eta 20 ºC-ren bueltan ibiliko dira ia lurralde osoan; Nafarroako hegoaldean bakarrik iritsiko dira 25 ºC-ra. Ipar-mendebaldeko haizea indartu egingo da.
Igandean, orduak igaro ahala, hobera egingo du, eta hodeiak eta ostarteak tartekatuko dira arratsaldean. Goizean, euria egin dezake isurialde atlantikoan, batez ere goizaldean eta goizean goiz. Hala ere, tenperaturak apur bat igoko dira.
Albiste gehiago gizartea
Auto-ilara luzeak Txorierriko korridorean, 7 ibilgailuk talka egin ostean
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.