Poloniako Fiskaltzak espioitza karguak aurkeztu ditu Pablo Gonzalez kazetariaren aurka
Poloniako Lublin herriko Fiskaltzak espioitza karguak aurkeztu ditu Pablo Gonzalez kazetariaren kontra, Polonian bi urte eta erdi behin-behineko espetxealdian egon ostean. Duela bi aste Mendebaldeak Errusiarekin trukatu zuen, presoen truke historiko baten parte gisa.
Errusiako espioitza zerbitzuei Poloniarentzat kaltegarriak izan daitezkeen informazioak ematea, baita desinformazioa zabaltzea eta errekonozimendu-lanak egitea ere, egotzi dizkio Fiskaltzak Gonzalezi; hori guztia 2016ko apiriletik 2022ko otsailera bitartean.
"Akusatuaren jardueren artean, besteak beste, informazioa lortzea eta transmititzea, desinformazioa zabaltzea eta operazioen (espioitza) parte gisa errekonozimenduak egitea daude", irakur daiteke Estatuko Fiskaltza Nagusiak gaur argitaratutako agirian.
Fiskaltzak baieztatu duenez, 2024ko abuztuaren 9an, Lublingo Krimenaren eta Ustelkeriaren aurkako Alorreko fiskalak Przemysleko Barrutiko Auzitegian akusazioa aurkeztu zuen Pablo Gonzalezen aurka, Zigor Kodearen 130.2 artikuluan aurreikusitako espioitza delituagatik. 3 eta 15 urte arteko kartzela-zigorra aurreikusten du.
Zehazki, Przemyslen, Varsovian eta kazetaria egon zen Poloniako beste leku batzuetatik inteligentzia zerbitzu errusiarrei NATOko kide den Poloniarentzako kaltegarriak ziren informazioak ematea leporatzen dio.
Poloniako ikertzaileen filtrazioen arabera, Gonzalezek Kremlinerako egin zituen ustezko jardueren artean daude Europako errusiar disidenteei buruzko txosten pertsonalak egitea, hala nola Zhanna Nemtsova, 2015ean Moskun hil zuten Boris Nemtsoven alabarena.
Hori oztopo bat gehiago da kazetaria etxera itzultzeko, oraingoz ez baitu Espainiako pasaporterik, Poloniako Gobernuak konfiskatu egin baitzion. Orain, Espainiako Gobernuak beste bat igorri beharko lioke, baina EBn legezko prozesu bat irekita duenez, horrek atzeratu egin dezake jaulkipena.
Askatu ondoren egindako lehen elkarrizketan, Gonzalezek esan du torturatu, mehatxatu eta presionatu egin zutela. Zer leporatzen zioten jakin gabe, susmo bakarra egotzi ziotela adierazi du.
Gonzalez Moskun jaio zen Pavel Rubtsov izenarekin, eta 2022ko otsailean atxilotu zuten Polonian, GRU errusiar inteligentzia zerbitzuarentzat espiatzeagatik susmagarri izateagatik.
Ordutik, behin-behineko espetxealdian egon da, Errusiarekin preso truke batean sartu zuten arte. Moskuk aske utzi zituen, besteak beste, Evan Gershkovitz kazetari estatubatuarra eta oposizioko ekintzaileak, eta bere inteligentzia zerbitzuetako hainbat agente aberriratu zituen.
Zure interesekoa izan daiteke
Osasun-matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da jada. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 43 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese 'Gernika' aurrean: Ikaragarria da, Gazan ikusi dudanaren erreflexua dirudi
Francesca Albanese Nazio Batuen Erakundeko Palestinarako kontalaria txundituta agertu da asteazken honetan 'Gernika' Pablo Picassoren margolan ospetsuaren aurrean. Bere ustez, "gerra zibilaren suntsiketaz" hitz egiten badu ere, lurralde palestinar okupatuetan ikusitakoarekin "antzekotasun handia" du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.