Pablo Gonzalezek bi urteko espetxealdia bete du dagoeneko Polonian, eta ez da inolako epaiketarik egin
Pablo Gonzalez kazetariak bi urte bete ditu Polonian atxilotuta, eta elkarretaratzeak eta ekintzak antolatu dituzte hainbat hiritan, bere egoera salatzeko, errugabetasun-presuntzioa eskatzeko eta bidezko epaiketa aldarrikatzeko.
Kongresuko atarian egin dute eguerdian bilkura horietako bat. PP eta Vox ez beste talde parlamentarioetako diputatuek hartu dute parte.
Aurrez, ganberan egin duten kontrolerako saioan, Jon Iñarritu EH Bilduko ordezkariak egindako galdera bati erantzun dio Jose Manuel Albares Espainiako Atzerri, Europar Batasuna eta Kooperazio ministroak. Argitu duenez, Poloniako Atzerri ministro berriari eskatu dio Gonzalezek "lehenbailehen" epaiketa bat izatea.
Bestalde, Kazetarien Nazioarteko eta Europako elkarteek Gonzalez libre uzteko eskatu diote gaur Poloniari, kazetariak bere burua defendatu eta epaiketa justu bat izan dezan.
Ohar batean azaldu dutenez, euskal kazetaria da EBko kartzela batean "bere kontrako probarik eta epaiketarik gabe" espetxeratuta dagoen kazetari bakarra. "Onartezina da", erantsi dute.
EITBren Miramongo eta Bilboko egoitzen aurrean elkarretaratzeak egin dituzte, "2 urte bahituta. Justizia, giza eskubideak eta prentsa-askatasuna" lelopean.
Aurreko ekintzak, Pablo Gonzalezen alde
Otsailaren 15ean, Lublingo (Polonia) Apelazio Auzitegiak kartzelaldia beste hiru hilabetez luzatzea erabaki zuen. Juan Fernando Lopez Aguilar irakasle, legelari eta eurodiputatuak euskal kazetariaren egoeraz hitz egin zuen asteartean Europako Parlamentuan.
Jose Antonio Martin Pallin Auzitegi Goreneko magistratu emerituak berriemailearen espetxealdi luzea izan du hizpide azken egunotan. "Pablori segurtasun juridikoa ukatzen" ari zaiola uste du Pallinek.
Joan den otsailaren 24an, kultura, epaile eta kazetaritza munduko hainbat pertsona ezagunek bideo batean erakutsi zioten babesa kazetariari, atxilotua eta behin-behineko espetxealdian, epaiketarik egin gabe. Gonzalez Ukrainako gerraren hasieran errefuxiatuen exodoa kontatzen ari zenean atxilotu zuten.
#FreePabloGonzalez plataformak antolatu eta zabaldu duen bideoan, besteak beste, Baltasar Garzon eta Jose Antonio Martin Pallin epaile ohiek, Juan Diego Botto eta Carlos Bardem aktoreek eta Ana Pardo de Vera, Olga Rodriguez, Miquel Ramos, Antonio Maestre eta Gervasio Sanchez kazetariek hartu dute parte.
Ohar batean kritikatu zutenez, "kasuaren inguruko sekretismoa erabatekoa izan da"; izan ere, "ez familiak ez inguruko inork ez du gertatzen ari denaren berririk izan", eta Pablok bi urte bete ditu "Poloniako espetxe bateko ziega txiki batean inkomunikatuta".
Plataformaren ustez, egoera "pentsaezina" da, guztia Europar Batasuneko (EB) estatu baten baitan gertatzen ari baita, eta herrialde horretan "Oinarrizko Eskubideen Tratatua errespetatu beharko litzatekeela suposatzen da".
"Lan profesionala egiten ari zen bitartean atxilotutako kazetari bat bi urtez espetxean epaiketarik gabe egotea oso larria da, ez bakarrik kaltetuaren giza eskubideei dagokienez, baita informazio- eta adierazpen-askatasunari dagokionez ere", azpimarratu dute.
Horregatik guztiagatik, Poloniako justiziari eskatzen diote Pabloren talde legalari "bere espediente ikusteko aukera" eman diezaiola, eta publiko egin ditzala bere aurka ustez dituzten frogak eta atxiloketa luzatzeko baliatzen dituztenak.
Euskal kazetariaren aldeko bideoan parte hartu zutenek Poloniaren atxiloketa kritikatu dute, espioi errusiarra izatea egotzita, "nahiz eta denbora honetan guztian ez duten inolako frogarik aurkeztu, ezta kargu formalik ere". "Atxiloketa krudela susmoetan eta zurrumurruetan soilik oinarritu da", diote bideoan Juan Diego Botto, Carlos Bardem, Baltasar Garzon, Pepe Viyuela, Wily Toledo, Pulpul, Gervasio Sanchez, Ana Pardo de Vera, Teresa Aranguren, Jose Antonio Martin Pallin, Martxelo Otamendi eta David Parejak osatutako taldeak.
Halaber, elkartasun-erakustaldian parte hartu dute Miquel Ramos, Jorge Riechmann, Fonsi Loaiza, Iñaki Soto, Mariano Muniesa, Javier Couso, Amaia Goikoetxea, Ander Izaguirre, Carlos Taibo, Juan Teixeira, Ruben Sanchez, Bob Pop, Javier Gallego, Olga Rodriguez, Asier Blas, Aitor Merino, Xabier Lapitz, Iñaki Makazaga, Javier Parra, Alfonso Bauluz, Antonio Maestre, Anibal Garzon eta Oihana Goirienak.
Zure interesekoa izan daiteke
Berriro itzali dute Derioko sutea, Loiuko aireportutik gertu berpiztu zena
Sua astelehenean piztu zen San Isidro auzoko baso-eremu batean. Suhiltzaileek sugarrak erabat itzaltzea lortu zuten arren, sua berriro piztu zen eta lanean ari dira goizaldera arte.
Bideo hunkigarria argitaratu du Lara Tacorontek, Mexikora ikastera joan eta hil duten gaztearen ahizpak
Lara Tacorontek, asteburuan Mexikon labankadaz hil zuten Claudiaren ahizpak, salatu duenez, inork ez zion bere familiari jakinarazi “duela oso gutxi” beste bi emakume hil zituztela unibertsitate berean, Moreloseko Autonomoan. "Zergatik ez du inork ezer egiten?", galdetu eta deitoratu du "gutako bakoitza, pertsona gisa, gizarte gisa, aldatzen ez garen arte, horrelakoek gertatzen jarraituko dute".
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.