EHU munduko 400 unibertsitate onenen artean kokatu da, zerrendan gora eginda
Euskal Herriko Unibertsitatea (EHU) munduko laurehun unibertsitaterik onenen artean kokatu da, iaztik gora eginda, unibertsitateen kalitate akademikoa neurtzen duen Shanghai rankingaren arabera.
Zehazki, Euskal Herriko Unibertsitatea munduko 500 onenen artean egotetik (401-500), 400 onenen artean (301-400) egotera igaro da urtebetean.
Eva Ferreira EHUko errektorea pozarren azaldu da igoeragatik. Ohar bidez adierazi duenez, Euskal Herriko Unibertsitatea munduko 400 onenen artean egotea aipagarria da oso, "mundu mailan lehia gehiago dagoen honetan", eta lortutako maila "emaitza bikaina da".
ETBri egindako adierazpenetan, antzeko balorazioa egin du Gorka Moreno Bizkaiko Campuseko errektoreordeak:
Nafarroako Unibertsitatea (pribatua) koska bat beherago ageri da, 600 onenen artean, iazkoari eutsiz. Gainera, Baionan campusa duen Bordeleko Unibertsitatea munduko 300 unibertsitate onenen artean sailkatu da.
Harvard, Stanford eta MIT (Massachusetts Institute of Technology) unibertsitateak dira sailkapeneko lehen hiru postuak betetzen dituztenak, hurrenkera horretan. Horien atzetik ageri dira Cambridge (4), Berkeley (5), Oxford (6), Princeton (7), Caltech (8), Columbia (9) eta Chicago (10). Denak dira iparramerikarrak, Cambridge eta Oxford britainiarrak izan ezik.
Shanghaiko Jiao Tong Unibertsitateak urtero egiten du munduko unibertsitate onenen zerrenda, eta aurten goi mailako 2.500 hezkuntza erakunde baino gehiago aztertu ondoren 1.000 onenak zerrendatu ditu. Shanghai zerrendak aldizkari zientifikoetan argitaratutako artikulu kopuruaren —batez ere Nature eta Science—, erakundearen tamainarekiko "per capita" errendimenduaren edo bertan ikasi duten edo eskolak ematen dituzten Nobel Sarien kopuruaren arabera sailkatzen ditu zentroak.
Zure interesekoa izan daiteke
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.