49.233 ikaslek hasi dituzte Lanbide Heziketako ikasketak Euskadin ikasturte berrian, eta 64.105 plaza daude
Gaur hasi dute ikasturtea Lanbide Heziketako ikastetxeek Euskadin. Guztira 49.233 ikasle eta 64.105 plaza daude ikasturte honetan, iaz baino 5.780 gehiago. Matrikula egiteko epea zabalik dago oraindik.
5.780 plaza horietatik gehienak Goi Mailako zikloetakoak dira, eta % 70 sare publikokoak, Eusko Jaurlaritzak jakitera eman duenez.
Imanol Pradales lehendakariak eta Begoña Pedrosa Hezkuntza sailburuak Leioako Ostalaritza Eskola bisitatu dute gaur, "eraldaketa teknologikoaren" eredu delako. Zentro horretako zuzendari Ibon Andraka izan dute lagun bisitan, eta Pradalesek iragarri du Lanbide Heziketa mota berri bat jarri dutela martxan, talde zaurgarrienei zuzendutakoa, egoera ezberdinetara egokitutako ikasketa bideekin. Berritasunen artean, halaber, C Graduak aurkeztu dituzte.
Teknologiak ekarriko dituen eta esparru guztietan eragina izango duten aldaketa handien jakitun, Pradalesek aurreratu du Lanbide Heziketak paper garrantzitsua beteko duela eraldaketa horretan.
49.233 matrikula horietatik 7.180 Arabakoak dira, 23.328 Bizkaikoak eta 18.725 Gipuzkoakoak. Bestalde, zentro publikoetako matrikulazioak % 6 igo dira % 57,4raino, eta D eredukoek % 3 egin dute gora. Sare publikoa soilik kontuan hartuta, D ereduko matrikulazioak % 19,75 hazi dira; % 11,50, itunpeko ikastetxeetan.
Sektoreka sailkatuta, ikasleen % 41,12k industria sektoreko ikasketak hautatu dituzte; % 56,28k zerbitzuak alorrarekin lotutakoak, eta % 2,5ek nekazaritza eta arrantza ardatz dutenak. Sektore teknologikoan matrikulatutakoen artean, % 30,5 emakumeak dira, eta zientzia arloko ikasketetan % 78,2 dira.
Gaur eman dituzten datuen arabera, Euskadin Lanbide Heziketako ikasketak egiten dituzten ikasleen % 90ek lana lortzen dute.
Zure interesekoa izan daiteke
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.
Jokabide homofoboa egotzita epaitu dituzten lau gazteek ukatu egin dute gertakarietan parte hartu izana
Biktimari elkartasuna adierazteko, Egham Nafarroak elkarretaratzea egin du auzitegiaren atarian eta homofobiari aurre egiteko neurriak eskatu ditu.
100.000 € gorde dira indarkeria matxistaren biktimen seme-alaben laguntzetarako Euskadin
2025ean emakumeen aurkako indarkeria matxistaren ondorioz hildako emakumeen 8 seme-alaba lagundu dira. Laguntza ama hiltzen den unean adingabeak diren seme-alabei zuzenduta dago, eta 21 urte bete arte eska daiteke.
Insaustik airean utzi du 2030eko Munduko Futbol Txapelketarako Donostiaren hautagaitza: “Zer ekarriko duen aztertu egin behar da”
Alkateak “zuhur eta zorrotz” aztertu nahi du ekitaldiak ekonomian, logistikan eta gizartean izango duen eragina; PSE-EEk, berriz, Donostiaren hautagaitza irmoago babestea eskatu du.
Maialen Mazonen hilketagatik akusatutako gizonak uko egin dio epaiketan deklaratzeari
Ondorioen idatzian, akusazioek 45 urteko kartzela eskariari eutsi diote Mazonen ustezko hiltzailearentzat, eta defentsak ere hasierako eskaria mantendu eta absoluzioa galdegin du.
Honako hauek dira Euskadiko bizitegi-larrialdiari erantzuteko gaurtik indarrean diren premiazko neurriak
Etxebizitzaren arloko politika publikoak merkatuaren errealitate berrira egokitzea bilatzen du Eusko Jaurlaritzak onartutako dekretuak, estaldurak eta laguntzak handituz, tresnak malgutuz eta gaur egun etxebizitza duina eta egokia lortzeko zailtasun handiagoak dituztenei "modu azkarragoan eta eraginkorragoan" erantzuteko. Gainera, etxebizitza babesturako eta alokairu publikorako higiezinen-parkea handitzeko neurriak aurreikusten ditu.
Isabel Aaiun, Boney M, Ojete Calor eta Shinova taldeek kontzertuak eskainiko dituzte 2026ko sanferminetan
Nafarroako hiriburuko Udalak aurtengo sanferminetan kontzertuak eskainiko dituzten artistetako batzuk ezagutzera eman ditu.
Kartzelara bidali dute, behin-behinean, Arrasaten ikasle-egoitza batean sexu-erasoa egin duelakoan atxilotutako gizona
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak egin ditu unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".
Bi-30 errepidea normal antzean, auto-istripu batek Leioako errepidean eta Txorierriko igarobidean hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.