Hiru emakume hil dituzte haien bikotekide gizonezkoek Euskal Herrian 2024an
Amaitzear den 2024an urtean hiru emakume hil dituzte Euskal Herrian haien gizonezko bikotekideek, laugarren bat desagertuta dago eta haren senarra espetxean sartu zuten, ustezko hilketa egitea leporatuta. Horrez gainera, beste hiru emakume nfeminizidioen biktima izan dira.
Donibane Lohitzunen izan zen lehenengo hilketa matxista, maiatzaren 3an. Bertako hotel batean indarkeria zantzuak zituen emakume baten gorpua aurkitu zuten eta haren bikotekidea atxilotu zuten. Bi aste lehenago, Ziburuko hotel baten balkoitik erori zen emakume hori bera.
Irailean, berriz, 31 urteko Yanely Gonzales hil zuen bikotekideak Bilboko Santutxu auzoan, labankadaz.
Eta azaroaren 30ean, 45 urteko Leonor hil zuen Pasaian 53 urteko bikotekideak, emakumearen alabaren aurrean.
Horrez gainera, gizonek hiru emakume euskal herritar hil dituzte 2024an.
Uztailean, Eneritz Argintxona bizkaitarraren gorpua aurkitu zuten Panaman, buruan kolpea zuela eta ustezko bi hiltzaileak kartzelan sartu zituzten, feminizidioa leporatuta.
Urriaren 9an, berriz, Iruñeko Arrotxapea auzoan 20 urteko gazte bat hil zuen gizon batek, labanaz eraso eginda. Orube berberean bizi ziren eta ustezko hiltzaileak arazoak zituen bertako biztanleekin.
Gasteizen izan zen hurrengo hilketa. Gizon batek adineko emakume bat hil zuen zahar-etxe batean azaroaren 28an.
Azkenik, ekainaren 21etik desagertuta dago Urruñan Laure Zacchello erizaina. Haren senarra espetxean dago, ustezko hilketa egitea leporatuta.
Albiste gehiago gizartea
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Egoera kezkagarria da Espainiako Estatuan, sute asko baitaude piztuta. Azken orduetan 7.000 lagun baino gehiagok gaua etxetik kanpo pasa dute eta bi pertsona hil dira suteen ondorioz, bat Madrilen eta bestea Leonen.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.
Zarrakazteluko sutea freskatzen eta kontrolatzen jarraitzen dute
Gauean bertan lan egin duten suhiltzaileei txandaka egiten zaie lan 8:00etatik. Suhiltzaileek freskatze-lanak eta puntu beroen kontrola egingo dituzte asteazken goizean.
Gasteizko kaleetan bizi diren berrogeita hamar bat maliar, asiloa noiz tramitatzeko zain
Maliko 50 bat asilo-eskatzaile kalean bizi dira Arabako hiriburuan. Gaur bederatzik izan dute hitzordua eta bihartik aurrera zazpi hartuko dituzte egunero.
Kontrolpean da Errioxan piztu eta Bastidara iritsi zen sutea
Errioxako San Pelaio mendian piztu zen sua, eta ordubete pasatxoan egin zuen salto Arabara, haizearen eraginez.
Errioxan piztutako baso-sute bat Arabara iritsi da
Errioxako Gimileo herrian piztu da sua, baina Araban sartu da makaldi batetik. Hori dela eta, Guardiako suhiltzaileak bertaratu dira, sua itzaltzeko lanetan laguntzeko.