Urtarrilean bakarrik, 565 salaketa erregistratu dira EAEn emakumeen aurkako indarkeriagatik, egunean 18
Eusko Jaurlaritzako Segurtasun Sailak 565 salaketa erregistratu ditu urtarrilean emakumeen aurkako indarkeriagatiko biktimizazioengatik; hau da, 18 salaketa jarri dira egunero delitu horrengatik.
Emakundek bildutako datuen arabera, emakumeen aurkako delituen kopurua % 1,4 jaitsi da iazko urtarrilekoekin alderatuta; 573 salaketa jarri ziren iazko urtarrilean.
Lurraldeka, Bizkaian 289 biktimizazio erregistratu dira (2024ko urtarrilean baino % 9,9 gehiago), Gipuzkoan 176 eraso (%-16) eta Araban 100 (aurreko urteko berberak).
Eraso moten arabera, sexu-askatasunaren aurkako delituak 2024ko 57an baino bat gutxiago izan dira urtarrila honetan, 56 (-%1,7), eta bikotekideak edo bikotekide ohiak eragindako indarkeriak % 2,2 egin zuen behera, iaz 412 izan baitziren eta 403 izan dira joan den hilean.
Aitzitik, % 2 igo dira familia barruko indarkeriagatiko salaketak (biktimaren familia-inguruneak eragindakoa, bikotekideak edo bikotekide ohiak eragindakoa izan ezik). 106 eraso izan dira urteko lehen hilabetean (104 izan ziren 2024ko hilabete berean).
Lurraldeka, Bizkaian hirukoiztu egin dira emakumeen aurkako sexu-askatasunaren aurkako erasoak; 39 salaketa jarri dira lehenengo hilabetean, eta 13, berriz, 2024an. Lurralde horretan bertan, familia barruko indarkeria-kasuak % 11,7 hazi dira; izan ere 57 salaketa jaso dira (2024an baino sei gehiago).
Bestalde, Araban % 8,3 igo dira bikotekidearen edo bikotekide ohiaren partetik emakumeek jasandako erasoen salaketan (78 aurten, 2024an baino sei gehiago), eta Gipuzkoan % 3 igo ziren familia barruko indarkeria kasuak (33 salatu dira urtarrilean, bat gutxiago 2024an).
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.