Plentziako institutu bateko ikasleek salatu dute mezu "iraingarri, matxista eta homofoboak" jaso dituztela
Plentziako institutu bateko ikasle talde batek "mezu iraingarri, matxista eta homofoboak" zabaldu dituela salatu dute instutuko horretako beste ikasle batzuek. Uribe Kosta BHI institutuko ikasle talde batek salatu duenez, ikasle batzuek eta irakasle batek jaso dituzte aipaturiko mezuak.
Atzo, asteartea, hainbat ikasle eta irakasle elkartu ziren institutuaren atarian, gertaturikoa salatzeko.
Hiruka Uribe Kostako tokiko hedabidean zabaldu duten informazioaren arabera, ikasle batzuek "mezu iraingarri, matxista eta homofoboak" jaso izan dituzte. Hori gutxi balitz, ikasle batzuek ordenagailuak erabili izan dituzte, identitatea ordezkatuta, mezuak bidaltzeko.
Egoera horren aurrean, ikasle talde batek zuzendaritzara jo zuen. Salatu dutenez, zuzendaritzak arazoari garrantzia kendu zion: "izenik ez baduzue, ezin dugu ezer egin".
Duela bi aste, emakumezko irakasle batek lekuz kanpoko mezu bat jaso zuen eta zentroari jakinarazi zion, erantzun bat emateko asmoz. Irakasleak jasotako mezuaren ondoren, kartelak jarri zituzten hezkuntza zentroan.
Salatzaileen arabera, "ez da ezer aldatu kartelak hormak jartzearekin". Halaber, zuzendaritzaren jarrera salatu dute, neurriak garaiz ez hartzeagatik.
Plentziako Udalak sare sozialetan zabaldu duen mezuan nabarmendu duenez, Plentzian ez dute "inolako eraso matxistarik edo homofoborik onartuko". Halaber, "babes osoa" helarazi die erasotako pertsona guztiei, ikasle zein irakasle.
Bestalde, EITB Mediak jakin duenez, Hezkuntza Sailak espedientea ireki du eta Ikuskaritza gertatutakoa aztertzen ari da.
Zure interesekoa izan daiteke
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
56 urteko emakume baten bila ari dira Gasteizen
Emakumeak % 80ko desgaitasuna du, 1,35 metro luze da, azal argia du eta betaurrekoak daramatza. Andaluzia kalean ikusi dute azkenekoz larunbat honetan.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbollahrekin zerikusia dutelakoan Bizkaian atxilotutako bi lagunak
Pasaportea kendu diete eta 15 egunean behin epaitegian agertu beharko dute. Bi gazteak "inperialismo genozida salatzearen aurkako kanpaina bat" salatu duen Iranekin bat plataformako kideak dira.
Emakume bat hil da Tuteran izandako auto istripu batean
Ezbeharra NA-134 errepidean gertatu da, ostiral arratsaldean. Emakumeak zeraman autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.