112 telefonora egindako deiak laukoiztu egin ziren itzalaldiaren lehendabiziko 4-5 orduetan
Itzalaldiaren lehendabiziko 4-5 orduetan, 12:30etatik 17:30era, 112 larrialdi telefonora egindako dei kopurua laukoiztu egin zen Euskal Autonomia Erkidegoan, Eusko Jaurlaritzako Larrialdiei Aurre Egiteko eta Meteorologiako zuzendariak Radio Euskadin azaldu duenez. Lan handiko egunaren ondotik, gaua lasaia izan da, eta, intzidentzia txikiren bat gorabehera, ez da "ezer adierazgarririk" gertatu.
Astelehen honetan Iberiar penintsula osoari eragin dion itzalaldiaren ondotik, argindarraren hornidura ia erabat (% 99,95) berreskuratu da Espainian, Red Electricak goizeko lehen orduan emandako datuen arabera.
Argindarra guztiz itzuli da Euskal Autonomia Erkidegora eta Nafarroara. Hala ere, atzo Imanol Pradales lehendakariak aurreratu bezala, asteartea "ez da egun normala izango".
Gaur goizean oraindik ere arazoak daude, batez ere, komunikazioetan. Eusko Jaurlaritzak telekomunikazio operadoreei eskatu die arazoak "lehenbailehen" konpontzeko. Halaber, garraio publikoetako zerbitzuak pixkanaka-pixkanaka normaltasuna berreskuratzen ari dira.
Euskadi Irratian egindako elkarrizketan Joana Egiluz Babes Zibileko sailburuordeak azaldu duenez, "apurka-apurka normaltasunera itzultzen ari gara, baina egia da atzo bezala gaur ere gorabeheraren bat izaten ari garela". Atzoko egunez, igogailuetan harrapatuta zeuden 253 pertsona erreskatatu behar izan zituzten EAEn.
Bestalde, Eusko Jaurlaritzak herritarrei eskatu die egiez eta informazio faltsuak ez zabaltzeko eta informazioa jasotzeko kanal ofizialetara jotzeko.
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.