Donostiako Piratek, Bilboko Konpartsek eta Gasteizko Txosnek salatu dute txosnen eredua "arriskuan" dagoela
Uda ate joka dugu, baita Euskal Herriko hiri eta herrietako jaiak ere. Bilboko Aste Nagusia hasteko 100 egunen faltan, Gasteizko Andre Maria Zuriaren jaietarako 88 eta Donostiako Aste Nagusirako 93, Donostiako Piratek, Bilboko Konpartsek eta Gasteizko Txosnek elkarrekin agerraldia egin dute, Bilbon, "Txosnak arriskuan" ekimena aurkeztu eta gaur egun ezagutzen ditugun txosnak "desagertzeko arriskuan" daudela ohartarazteko.
Oztopo nagusiak aisialdiaren pribatizazioa eta tramite administratiboak dira
Hala, indarrak batu dituzte, "gero eta gertuago" ikusten duten errealitatea islatzeko. Salatu dutenez, "mundua pribatizatzen ari da, eta gero eta zailagoa da txosnak eta herri-jaiak antolatzea".
Aisialdia "merkantilizatuta" dagoela nabarmendu dute, eta adierazi irabazi asmorik ez dutenei espazio publikoa erabiltzeko gero eta oztopo gehiago jartzen dizkietela. Horien aburuz, "agerikoa da" instituzioek lehentasuna ematen dietela "irabazi asmoa duten jarduerei", eta autogestioan oinarritutakoei "zailtasun gehiago" jartzen dizkietela. Hala, ondorengoak aipatu dituzte, besteak beste: "Tramite administratiboen zama, kostuen garestitzea, araudi murriztaileak.
Gaurkoan indarrak batu dituzte; izan ere, jai eredu hori Euskal Herrian hain errotuta egonda, "anomalia" iruditzen zaie bertako jaien "izaera ez aitortzea", eta administrazioak ez izatea jai herrikoien beharretara egokitutako esparrurik: "Ez gara enpresak, ez gara ekitaldi komertzialak, boluntarioak gara. Ondo pasatzea kontu serioa da. Txosnak gure herriaren altxorra dira, eta babestu egin behar ditugu, ezberdindu behar ditugu merkataritza ekitaldietatik".
Testuinguru horretan, ekitaldi handi bat iragarri dute datorren maiatzaren 31rako. Hitzordua 11:30ean da, Bilboko Miribillako anfiteatroan, "txosnak eta herri-jaiak defendatzeko". Ekitaldian parte hartzeko deia ere egin dute.
Zure interesekoa izan daiteke
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiak igandera arteko epea eman dio Erromari neurria bertan behera uzteko, baina horrek lehengo lepotik burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.
Zeledon Txikik eta Edurnek giro aparta sortu dute Andre Maria Zuriaren plazan, Txikien Egunean
Ekain Gonzalez eta Haizea Lauzurica izan dira Zeledon Txikiren eta Edurneren jaitsieraren protagonistak, Gasteizko jaietako haurrek gehien espero duten ekitaldietako batean.
Kerman Villateren familiak gezurtatu egin du Gasteizko Udalak barne ikerketa egin izana
Gasteizko Mitika diskotekako atezain baten kolpe baten ondorioz hildako gaztearen familiak Maider Etxebarria alkatearen adierazpenei erantzun die, eta esan du Udalak ez duela inoiz ikerketa bat egin gertatutakoa argitzeko. Gainera, eskatutako dokumentazioa emateko eta justiziarekin elkarlanean aritzeko eskatu diote Udalari.
Ander Zubillagak omenaldia egin die Biescasko biktimei tragediaren 30. urteurrenean
Uholde batek Biescasko Las Nieves kanpina suntsitu zuen 1996ko abuztuaren 7an, Arasko sakanean bat-bateko ur-goraldi bat izan ondoren. 87 pertsona hil eta 187 zauritu ziren. Ander Zubillaga gitarrista tolosarrak 6 urte eskasekin bizi izan zuen tragedia hura.
Juan Sebastian Elkanoren lehorreratzea antzeztuko dute Getarian ostiral honetan
EITBk zuzenean emango du Orain.eus atarian, ETB1en eta ETB ONen, 16:45etik aurrera, lau urtean behin egiten den ekitaldi honen berri.