Europa Ligako finalerako 'fan zone' neutralak ateak ireki ditu Bilboko Areatzan
Manchester United eta Tottenham Hotspur taldeek asteazkenean San Mamesen jokatuko duten Europa Ligako finalerako zaleen gunea zabaldu dute gaur Bilboko Areatzan. "Eremu neutrala" izango da.
Dagoeneko lehen jarraitzaile ingelesak ikusi ahal izan dira bertan, oraingoz Tottenham taldekoak Manchester Unitedenak baino ugariagoak. Talde bakoitzak bere esparrua izango du asteazken honetan.
Unitedek Etxebarria Parkean irekiko du, 11:00etan, eta Tottenhamek San Mamesetik gertuen dagoen Ametzola Parkean, 10:00etan. Bietan, gainera, sarrerarik ez duten zaleek pantaila erraldoietan ikusi ahal izango dute partida.
UEFAk antolatutako 'fan zone' horretara sartzea doakoa izango da, esparrua bete arte. Gaur, 11:00etatik 22:00etara egongo da zabalik, eta bihar, 11:00etatik 18:00etara.
Inaugurazioan, Aritz Aduriz jokalari zuri-gorri ohiak esan du UEFAko ordezkariak "harrituta" daudela Bilborekin. "Denek atsegin dute hiria, giroa, jendea, gastronomia... guk jada Bilbotik, Bizkaitik, Euskaditik ezagutzen duguna. Jendea deskubritzen ari da, eta uste dut aukera ederra dela Europari eta munduari, hemen elkarrekin nola bizi garen eta zer egiten dugun erakusteko", azpimarratu du.
Aduriz Europa Ligako golegile nagusia izan zen 2015-16 denboraldian, Genk belgikarraren aurka bost gol sartu zituen partida bakarrean. Aurten txapelketako garaikurra txapeldunari emateko ardura izango du.
Bestalde, Juan Mari Aburto alkateak adierazi duenez, Bilbo "dispositibo guztiak martxan ditu, baina, batez ere, prest dago bisitatzen gaituzten pertsona guztiak besoak zabalik hartzeko". "Irudi ona eman nahi dugu, eta horixe da Bilboko jendeari eskatzen dioguna, gozatzeko, futbolaren festa delako, eta mundu guztiak ikus dezan jatorrak garela", erantsi du.
Hainbat jarduera egingo dituzte, hala nola UEFA Europa Leagueko garaikur ofiziala tokian bertan ikusi eta argazkiak ateratzea, bi talde finalisten kamiseta ofizialak ikustea, futbol-desafioetan parte hartzea eta garaikur handi-handiarekin eta finaleko aulkiekin argazkiak ateratzea.
Era berean, DJ Mimolocoren zuzeneko musikaz gozatzeko aukera izango da, UEFAren denda ofiziala bisitatu (artikulu eta oroigarri esklusiboak eskuratzeko) eta egunaz gozatzeko moduko giro aparta izango da, Kresala musika taldearen eta Sama Siku fanfarrearen eskutik; gainera, entretenimendu paregabea egongo da esparru osoan, besteak beste, herri kirolen erakustaldiak egingo baitira.
Futbolari profesional ohien arteko norgehiagoka
Egitarauan futbolari profesional ohien artean egingo duten partida ere da nabarmentzekoa, zelai txikian jokatuko da, bihar, eguerdian, Arriaga Antzokiko plazan, UEFAk hautatutako talde baten eta Euskadiko Futbol Federazioak osatutakoaren artean.
Azken hori Euskal Selekzioan jokatu eta Europa Ligan parte hartu duten zazpi jokalari ohik osatuko dute: Mikel Balenziaga, Beñat Etxebarria, Gorka Iraizoz, Carlos Martinez, Xabi Prieto, Markel Susaeta eta Gaizka Toquero. Erakundeen ordezkariak eta Aritz Aduriz Europa Ligako UEFAko enbaxadorea ere bertan izango dira.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.