Europa Ligako finalerako 'fan zone' neutralak ateak ireki ditu Bilboko Areatzan
Manchester United eta Tottenham Hotspur taldeek asteazkenean San Mamesen jokatuko duten Europa Ligako finalerako zaleen gunea zabaldu dute gaur Bilboko Areatzan. "Eremu neutrala" izango da.
Dagoeneko lehen jarraitzaile ingelesak ikusi ahal izan dira bertan, oraingoz Tottenham taldekoak Manchester Unitedenak baino ugariagoak. Talde bakoitzak bere esparrua izango du asteazken honetan.
Unitedek Etxebarria Parkean irekiko du, 11:00etan, eta Tottenhamek San Mamesetik gertuen dagoen Ametzola Parkean, 10:00etan. Bietan, gainera, sarrerarik ez duten zaleek pantaila erraldoietan ikusi ahal izango dute partida.
UEFAk antolatutako 'fan zone' horretara sartzea doakoa izango da, esparrua bete arte. Gaur, 11:00etatik 22:00etara egongo da zabalik, eta bihar, 11:00etatik 18:00etara.
Inaugurazioan, Aritz Aduriz jokalari zuri-gorri ohiak esan du UEFAko ordezkariak "harrituta" daudela Bilborekin. "Denek atsegin dute hiria, giroa, jendea, gastronomia... guk jada Bilbotik, Bizkaitik, Euskaditik ezagutzen duguna. Jendea deskubritzen ari da, eta uste dut aukera ederra dela Europari eta munduari, hemen elkarrekin nola bizi garen eta zer egiten dugun erakusteko", azpimarratu du.
Aduriz Europa Ligako golegile nagusia izan zen 2015-16 denboraldian, Genk belgikarraren aurka bost gol sartu zituen partida bakarrean. Aurten txapelketako garaikurra txapeldunari emateko ardura izango du.
Bestalde, Juan Mari Aburto alkateak adierazi duenez, Bilbo "dispositibo guztiak martxan ditu, baina, batez ere, prest dago bisitatzen gaituzten pertsona guztiak besoak zabalik hartzeko". "Irudi ona eman nahi dugu, eta horixe da Bilboko jendeari eskatzen dioguna, gozatzeko, futbolaren festa delako, eta mundu guztiak ikus dezan jatorrak garela", erantsi du.
Hainbat jarduera egingo dituzte, hala nola UEFA Europa Leagueko garaikur ofiziala tokian bertan ikusi eta argazkiak ateratzea, bi talde finalisten kamiseta ofizialak ikustea, futbol-desafioetan parte hartzea eta garaikur handi-handiarekin eta finaleko aulkiekin argazkiak ateratzea.
Era berean, DJ Mimolocoren zuzeneko musikaz gozatzeko aukera izango da, UEFAren denda ofiziala bisitatu (artikulu eta oroigarri esklusiboak eskuratzeko) eta egunaz gozatzeko moduko giro aparta izango da, Kresala musika taldearen eta Sama Siku fanfarrearen eskutik; gainera, entretenimendu paregabea egongo da esparru osoan, besteak beste, herri kirolen erakustaldiak egingo baitira.
Futbolari profesional ohien arteko norgehiagoka
Egitarauan futbolari profesional ohien artean egingo duten partida ere da nabarmentzekoa, zelai txikian jokatuko da, bihar, eguerdian, Arriaga Antzokiko plazan, UEFAk hautatutako talde baten eta Euskadiko Futbol Federazioak osatutakoaren artean.
Azken hori Euskal Selekzioan jokatu eta Europa Ligan parte hartu duten zazpi jokalari ohik osatuko dute: Mikel Balenziaga, Beñat Etxebarria, Gorka Iraizoz, Carlos Martinez, Xabi Prieto, Markel Susaeta eta Gaizka Toquero. Erakundeen ordezkariak eta Aritz Aduriz Europa Ligako UEFAko enbaxadorea ere bertan izango dira.
Albiste gehiago gizartea
Hegazkin baten aurrean eroritako tximista bat grabatu dute, Loiuko aireportuan lur hartzen ari zela
Ostiral honetako 23:00ak aldera, Valentziatik zetorren Vueling konpainiako hegaldiaren bidaiariak ekaitz elektrikoaren lekukoa izan dira, Bilboko Aireportuan lurreratzen ari zirela.
Euri zaparrada handiak bart Araban
Eltziegoko eta Guardiako irudi hauetan argi ikus daiteke ekaitzak denbora gutxian eragin zuen egoera.
58 urteko gizon bat zauritu da entzierroaren aurretik balkoi zati bat gainera erorita
Santo Domingo aldapan, etxebizitza bateko balkoi batetik erlaitz zati bat askatu da, eta gizonaren sorbalda gainean erori da. Suhiltzaileek etxebizitzako aurrealdea garbitu eta segurtasun neurriak jarri behar izan dituzte eta, horren ondorioz, entzierroaren hasiera pixka bat atzeratu da.
Euri-jasa bortitzak bota ditu bart Araban
Eltziegoko eta Guardiako irudiotan argi ikus daiteke ekaitzak denbora gutxian nolakoak eragin zituen.
Giro nahasiarekin jarraituko dugu, eta abisu horian egongo dira Araban eta Nafarroan
Euri-zaparrada trumoitsuak espero dira arratsaldean, eta txingorra botatzeko arriskua ere badago. Dena den, badirudi ez direla bart bezain gogorrak izango.
Araban izandako ekaitz gogorrek 81,6 l/m2 utzi zituzten Goiainen
Ramiro Gonzalez ahaldun nagusia Villabuenara joango da kalteen balantzea egitera, eta abisu horia ezarriko dute berriro gaur arratsaldean.
Hiru atxilotu Gasteizen gizon bati eraso egiteagatik
Zauritua anbulantzian eraman dute ospitalera, aurpegian zauri bat eta saihetsetan mina zuelarik.
Trenbidean zuhaitzak erori ostean aurrera egin ezinda geratutako hainbat trenetako bidaiariak erreskatatu dituzte Castejonen eta Caparroson
Tren horietan zihoazen ia mila pertsona ebakuatu dituzte Udaltzaingoak, Tuterako Guardia Zibilak eta Iruñeko Herritarren Segurtasunerako Unitateak. Azkenik, Adifek jarritako autobusetan eraman dituzte bidaiariak.
Hiru hilabete atzeratu dute Errenteriako familia baten etxegabetzea
Kaleratzeak Stop plataformak adierazi duenez, erabakiak "arnasa" ematen dio familiari eta aukera ematen du "familia horri bizileku bat bilatzeko".
Euskal Herriko 96 adingabe ebakuatu dituzte Burgosko kanpaleku batetik, euriteengatik eta txingorragatik
Villarcayoko kiroldegian hartu dituzte, eta Kantabriatik iritsitako ehun bat adingabek ere bertan eman dute gaua. Igande honetan bueltatuko dira etxera, egonaldia amaitu ondoren.