Prostituzioa Hego Euskal Herrian, analisi laburra: EAEk Espainiako bosgarren tasarik altuena du
Euskal Autonomia Erkidegoak (EAE) prostituzio egoeran dauden emakumeen bosgarren tasarik altuena du 18 urtetik gorako 10.000 emakumeko, Genero Indarkeriaren aurkako Espainiako Gobernuaren Ordezkaritzak gaiari buruz egindako azken azterlanaren arabera (2024an argitaratu zen).
Gutxienez 5.158 emakume izango lirateke egoera horretan (3421 Bizkaian, 1053 Gipuzkoan eta 684 Araban), eta % 15 inguru sareetan aritzen dira. Nafarroan, 817 emakume prostituzio egoeran daudela uste dute.
Hala ere, Askabide bezalako elkarteek salatu dutenez, kopuru horiek errealitatetik urrun daude. Izan ere, azterlan berean egindako kalkuluen arabera, 2023an iragarkietan erregistratutako emakumeen datuetan oinarrituta, EAEn eta Foru Erkidegoan prostituzioan arituko liratekeen emakumeak are gehiago izango lirateke, 7.125 eta 949, hurrenez hurren.
Emakunderen azken ikerketa 2020koa da, eta ondorioztatu zuen orduan 240 emakume zirela sexu-esplotaziorako salerosketaren biktima. Txosten horren arabera, erdiak baino gehiagok agentziak erabiliko lituzke, hau da, klubetik edo kaletik kanpo.
Espainiako Gobernuak egindako makroikerketak Interneten argitaratutako 654.000 prostituzio-iragarki baino gehiago aztertu zituen, eta ondorioztatu zuen Espainiako Estatuan 18 urtetik gorako emakumeen % 0,56 prostituzio testuinguruetan dagoela. Hala, prostituzioan edo sexu-esplotaziorako salerosketan dauden emakumeen batez bestekoa 56koa da 10.000 emakumeko.
Emakume horien jatorri nagusia Latinoamerika da (% 51), % 16 europarrak dira eta kasuen % 29an ez da ezagutzen jatorria. Adinari dagokionez, prostituzio egoeran dauden emakumeen % 28k 18 eta 24 urte bitartean ditu, eta % 32k, 25 eta 36 urte bitartean.
Barakaldon, iragan otsailean, bi emakume atxilotu zituzten gazteen salerosketan ziharduen talde antolatu bateko ustezko arduradun gisa. Emakumeak erakartzen zituzten Kolonbian, pisuetan konfinatzen zituzten, eta bezeroekin geratzen ziren Internet bidez. Horrelako sareetan ohikoa den metodoa da, Patricia Martinez Ertzaintzaren Polizia Zientifikoko Unitateko buruak Radio Euskadin azaldu zuenez.
Zure interesekoa izan daiteke
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulante modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".
Eguzki eklipseak tren gehiago eta mugikortasun zerbitzu indartua ekarriko ditu abuztuaren 12an
Abuztuaren 12an izango da ikusgai, iluntzean. Milaka pertsona erakartzea espero den fenomeno horren aurrean, administrazioek segurtasun dispositibo zabala prestatu dute, mugikortasun segurua eta antolatua bermatzeko helburuarekin.
'Atyla' itsasontzi historikoan sartuko gara, 'Game of Thrones'en unibertsoko targaryendarren ontzian
Ontzia 1980a eta 1984a bitartean egin zuten Lekeition (Bizkaia), artisau moduan, pinu, haritz eta iroko egurra erabiliz. Itsasontzia Donostiako portuko kaian bisitatu ahalko da asteburu honetan, 11:00etatik 14:00etara eta 17:00etatik 21:00etara.
EITBk zuzenean eskainiko du abuztuko eguzki eklipse historikoa, hainbat seinale eta bi globo estratosferiko baliatuz
Saio berezia 19:30etik aurrera izango da ikusgai ETBn, ETB ONen eta ORAINen. Horrez gain, EITBk Eklipse Gaua antolatu du Donostiako Saguesen: eklipsea zuzenean ikusteko pantailak, musika eta behaketa modu seguruan egiteko betaurrekoak izango dira bertan.
Luciaren amesgaiztoa Bilbon: pisu "perfektua" alokatu, eta hiru egunen buruan, maula baten biktima dela konturatu
Bi seme-alaba dituen venezuelar batek 2.000 euro ordaindu ditu Deustun alokairuko etxebizitza batengatik, baina etxea apartamentu turistiko bat da berez. Iruzurgileak gutxienez 10 pertsonari alokatu die, tartean Luciari berari. Biktima horrekin mintzatu da EITB.