Etxebarriko Udalak formaziorik gabeko 9 udaltzain kontratatu zituela jakinarazi du agintean dagoen plataformak
Etxebarriko Udalak, ustez Arkautiko akademiaren titulua faltsutu zuen udaltzaina ez ezik, formaziorik gabeko beste bederatzi agente ere kontratatu zituela jakinarazi du azken 34 urteotan agintean dagoen Herriaren Ahotsa plataformak.
Salatu duenez, 2017az geroztik Etxebarriko Udalarekin hitzarmena sinatua duen Poliziak Koordinatzeko Arloak salaketa jarri du Udalak polizia interinoak kontratatzeko duen moduagatik, eta eskandalagarritzat jo du Segurtasun Sailaren jarrera.
Are gehiago, gertatutakoaren erantzukizuna Eusko Jaurlaritzako Segurtasun Sailarena dela dio, Poliziak Koordinatzeko Arloarena, zehazki. Bere webgunean argitaratu duen oharraren arabera, Udalak proposatzen ditu kontratazioak, baina Poliziak Koordinatzeko Arloak du hautagaiek baldintzak betetzen dituzten ala ez egiaztatzeko ardura; hots, horri dagokio polizia-plakak ematea.
Testuinguru horretan, Herriaren Ahotsa plataformak galdera egin dio Segurtasun Sailari: "Zergatik eman zioten plaka Arkautiko titulua faltsutu omen zuen poliziari, ziurtagiria egiaztatu gabe?".
Epaileak auzia artxibatu zuen, Etxebarrin interino gisa aritzeko Arkautiko ziurtagiria ez dela beharrezkoa iritzita. Halaber, epaileak ez zuen prebarikazio zantzurik ikusi Iker Lopez alkate eta Loren Oliva alkate ohiaren jardunean. Edonola ere, Herriaren Ahotsa plataformak alkate eta alkate ohiaren aurkako epaiketa politikoa salatu du, bere garaian, auzi honen harira, Segurtasun Sailak ikertu egin omen zituelako.
Plataforma independienteak salatu duenez, Udalaren izen ona "zikindu" nahian ari dira.
Zure interesekoa izan daiteke
Abian da Osakidetzako EPEaren bigarren eguna, zeladore, erizaintzako laguntzaile eta zerbitzuetako langile izateko probekin
Ostiralean hasi eta igandera bitartean, 9 kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbolarekin zerikusia dutelakoan Bizkaian atxilotutako bi lagunak
Pasaporteak kendu dizkiete eta hamabost egunean behin epaitegian agertu beharko dute. Bi gazteak Iranekin bat plataformako kideak dira; talde horrek "inperialismo genozida salatzearen" aurkako kanpaina bat salatu du.
Emakume bat hil da Tuteran, auto istripu batean
Ezbeharra NA-134 errepidean gertatu da, gaur arratsaldean. Hildako emakumeak gidatzen zuen autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa eremuetako mugikortasuna aztertuta, EAEko herriguneetako 3 kotxeko 2 daude hiriguneetan
Saretzen txostenean aztertu dituzten Trafiko Zuzendaritza Nagusiaren azken erregistro ofizialen arabera, Hego Euskal Herriko landa eremuetan metropolietan baino % 55 auto gehiago daude biztanleko, eta toki batzuetan bizilagunak baino gehiago dira kotxeak.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.