Ikasle gehienek gainditu dute unibertsitatera sartzeko hautaproba, baina batez besteko nota jaitsi egin da
Iaz Euskal Autonomia Erkidegoan lehen deialdiko ikasleen batez besteko nota 7,1 izan zen. Aurten baina, datuak kontuan hartuta, beherakada igarri da. Batez bestekoa 6,7 da, eta 4 hamarren egin du behera.
Unibertsitatera sartzeko hautaproba. Irudia: EITB
Euskal Autonomia Erkidegoko (EAE) ikasleen % 96,74k gainditu dute unibertsitatera sartzeko hautaproba berria (USaP), iazko ia % 98aren azpitik. Nafarroan, puntu erdi jaitsi da gainditutakoen portzentajea, ia % 98k gainditu dute azterketa.
Ikasleek eredu berri bati egin behar zioten aurre, eta hori notetan islatu da, zuzentzaileen arabera. Besteak beste, ortografia zuzentzeko irizpide berriak aplikatu dira. Gainera, azterketak luzeagoak izan dira.
Iaz Euskal Autonomia Erkidegoan lehen deialdiko ikasleen batez besteko nota 7,1 izan zen. Aurten baina, datuak kontuan hartuta, beherakada igarri da hiru lurraldeetan. Batez bestekoa 6,7 da, eta 4 hamarren egin du behera.
Adimen artifizialaren gehiegizko erabilera eta irakurketa falta horren arrazoi bezala jotzen dituzte irakasleek.
Euskal Herriko Unibertsitateak (EHU) ohar batean jakinarazi duenez, EAEko Batxilergoko 12.297 ikasletik 11.896k gainditu zuten proba. Ikasle guztietatik, 9.621ek euskaraz egin zuten azterketa (9.400k gainditu dute-% 97,7), eta 2.669k gaztelaniaz (2491ek gainditu dute-% 93,3).
EHUk zehaztu duenez, kalifikazioak gaur bertan kontsultatu ahal izan dituzte ikasleek, eta proben behin betiko emaitzak ekainaren 23an argitaratuko dira.
Azterketa gainditu ez dutenak uztailaren 1, 2 eta 3an egingo den ezohiko deialdian aurkeztu ahal izango dira.
Hautaproba berriak bi fase ditu: batetik, sartzeko fasea, Batxilergoko ikasleek gainditu beharrekoa graduko unibertsitate-ikasketa ofizialetara sartu ahal izateko, eta, bestetik, onartzeko fasea, borondatezkoa, sarbide-fasean lortutako kalifikazioa hobetzeko aukera ematen duena. Horrela, goi-mailako heziketa-zikloetako 853 ikasle matrikulatu ziren onarpen faseko ikasgaien probetan.
Nafarroan, zehazki, aurkeztutako ikasleen % 97,92k gainditu dute proba 2024-2025 ikasturte honetako lehen deialdian. Iaz, aldiz, matrikulatutakoen % 98,41ek gainditu zuen azterketa.
Derrigorrezko fasean izena eman duten 3.423 ikasleetatik 71k ez dute gainditu eta beste 12 ez dira aurkeztu. Iaz, berriz, 7 izan ziren aurkeztu ez zirenak.
Hizkuntza-eskakizunen arabera, derrigorrezko fasean G eta A ereduetan (gaztelaniaz) matrikulatutako 2.605 ikasleetatik 2.594 aurkeztu ziren, eta 2.541 gainditu zuten, hau da, % 97,96 (iaz % 98,31 izan ziren). Bestalde, fase berdinean D ereduan matrikulatutako 818 ikasleetatik, 1 ez zen aurkeztu eta 799k gainditu dute, hau da, ikasle guztien % 97,8k (iaz % 98,70ek).
Borondatezko fasean, guztira 8.595 azterketa prestatu ziren. Azkenik, 1.651 ikasle ez ziren probetara aurkeztu. Egindakoei dagokienez, guztira 5.119k (% 73,72k) gainditu dute proba, eta 1.825 azterketak (% 26,28k) gainditu gabe geratu dira.
Probak egiteko 3.945 ikasle matrikulatu ziren. Horietatik 522k borondatezko fasean soilik eman zuten izena.
Gizarteari buruzko albiste gehiago
Osakidetzan inbertsioa areagotzearen garrantzia azpimarratu du arartekoak, hiritarren kexen aurrean
Ines Ibañez de Maeztuk Osasun Itunaren ostean hartuko diren neurrien esperoan dagoela adierazi du, egoera hobetuko dutenaren itxaropenarekin. "Etxebizitza eskubidearen eraginkortasuna bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.
Orexa, estaldurarik gabe jarraitzen duen herria
Gipuzkoako Orexa herriak Europako zati batek jasandako itzalaldiaren ondorioak pairatzen jarraitzen du: estaldurarik gabe daramatzate zazpi aste. Movistar konpainiak ez die irtenbiderik ematen eta inpotentzia da nagusi herrian.