Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Ines Ibañez de Maeztu jarduneko arartekoa Legebiltzarreko batzordean. Argazkia: EFE.
Ines Ibañez de Maeztu jarduneko arartekoak Osakidetzan inbertsioa handitzearen garrantzia azpimarratu du, behar dituen baliabideak eman ahal izateko, eta Osasun Itunean adostuko diren neurrien aurrean "zain" dagoela aitortu du.
Ibañez de Maeztuk Arartekoaren 2024ko txostena aurkeztu du asteazken honetan Legebiltzarraren batzordean. Txostena apirilaren 1ean eman zen ezagutzera, eta bertan nabarmentzen da Osakidetzaren funtzionamendua dela eta egindako kexek % 69,6 egin zutela gora 2023tik.
Arartekoak azaldu duenez, espezialitate batzuetan itxaronaldiak "Osakidetzak ofizialki argitaratutako datuak baino askoz luzeagoak” dira, eta horrek pazienteari "ondoez gehigarria” dakarkiola esan du.
Hori dela eta, talde parlamentarioei emandako erantzunetan, berretsi du beharrezkoa dela materialetan eta giza-baliabideetan inbertitzen jarraitzea, EAEko herritarren osasunerako eskubidea “benetan gauzatzen dela bermatzeko”. Horretarako, "plangintza hobea eta aurrekontu handiagoa” behar dela iritzi dio.
Zehazki, buru-osasunaren arloaz aritu da. Psikologo klinikoekin eta modu globalean jorratuko den arreta espezifikoagoa eskatu du.
Ibañez de Maeztuk 2024ko txostenaren puntu nagusiak errepasatu ditu. Hain zuzen ere, Arartekoaren erakundearen jarduera % 7,4 hazi zen 2024an, aurreko urtearekin alderatuta. 14.608 jarduera zenbatu ziren, eta horietatik 4.310 kexa-espedienteak izan ziren (+% 10,6).
Halaber, arartekoak azaldu du etxebizitzak herritarrei kezka eragiten jarraitzen diela. Beharrezkotzat jotzen du "etxebizitza-eskubidearen eraginkortasuna bermatzen duten politika publikoen aldeko apustu irmoa egitea, bereziki gazteentzat eta gizarte-bazterketako arriskuan dauden kolektiboentzat".
Horrela, alokairu-erregimeneko etxebizitzen parke publikoa handitzea eta etxebizitzaren eta gizarte-laguntzaren arloen arteko koordinazioa hobetzea defendatu du.
Gizarteari buruzko albiste gehiago
Txirrindulari bat hil da Anoetan, auto batek harrapatuta
Istripua 20:00ak aldera gertatu da, GI-3630 errepidean.
Arrazakeriaren eta "morofobiaren" aurkako elkarretaratzeak Euskal Herrian
Arrazakeria ez dela gertakari isolatua salatzen dute, egiturazkoa baizik. Torre Pachecon gertatutakoen harira, azpimarratzen dute talde arrazistak beldurra sortzeko antolatzen ari direla, eta, beraz, batzeko deia egiten dute, elkarri eusteko.
Bilboko Garcia Rivero kaleak baldosa guztiak altxatu beharko ditu berriro, akastunak direlako
Bilboko Garcia Rivero kaleko lanak bukatzear daudela, udalak erabaki du kaleko obrei berriro ekitea, baldosa akastuak direla eta. Inguruko merkatariak oso atsekabetuta daude obraren prozesuarekin, Aste Nagusia gertu dutela
Tecnaliak Kanadara zabaldu du suarekin saiakuntzak eskala handian egiteko gaitasuna
Tecnalia ikerketa-zentroak Kanadako araudiaren arabera suarekin saiakuntzak eskala handian egiteko akreditazioa lortu du. Agiaztapen hau Estatu Batuetarako edo Erresuma Baturako lortutakoei gehitzen zaie. Lorpen honek negozio-aukerak zabaltzen dizkie eraikuntza-industriako enpresei, Europatik haragoko merkatu arautu eta zorrotzetan.
Bilboko Konpartsetako 13 txosnak ez dute Coca-Cola salduko Palestinako herriari elkartasuna adierazteko
Altxaporrue, Bizizaleak, Eguzkizaleak, Hau Pittu Hau, Kaskagorri, Kranba, Txinparta Feminista, Mekauen, Piztiak, Txinbotarrak, Txori Barrote, Uribarri eta Sinkuartelek ez dute produktu hori salduko.
Loiolako kuartelen salerosketaren eskriturak uztailaren 23an sinatuko ditu Donostiako Udalak
Salmenta horri esker 1.700 etxebizitza babestu baino gehiago eraiki ahal izango dira eremu horretan. Eskriturak sinatzen diren unetik aurrera, militarrek lau urteko epea izango dute eremutik joateko.
Bizkaiko farmaziek bat egin dute arazo soziosanitarioetako egoerak detektatzeko programarekin
Farmazien eta EUDEL-en arteko akordioa indarrean dago jada Araban eta Gipuzkoan, eta Bizkaia batutak, farmazien eta udaletako gizarte-zerbitzuen arteko lankidetza-sarea, osatu da, EAEko biztanle guztiei eman ahal izateko zerbitzua.
Karga guneetatik erretiratzen ez diren ibilgailu elektrikoek ordaindu beharko dute Iruñean
Neurria abuztuan sartuko da indarrean; horrela, bada, aparkaleku gisa erabiltzen dutenekin amaitu nahi du Udalak.
Bi pertsona salatu dituzte Dantxarinean, kalean bi arma erreplika erabiltzeagatik
Foruzaingoak bi erreplika atzeman ditu; zehazki, subfusil bat eta pistola bat.
Gorroto delituak %13,8 jaitsi ziren iaz Estatuan, baina Nafarroak eta EAEk izan zuten intzidentzia tasarik handiena
Nafarroaren intzidentzia tasa 14 kasukoa zen 100.000 biztanleko, Euskal Autonomia Erkidegoaren aurretik (10,8). Arrazakeria edo xenofobiagatik egindako gorroto delituak izan ziren ugarienak (804), 2023an baino % 6,07 gutxiago zenbatu arren. Aitzitik, antisemitismoarekin lotutakoak igo ziren gehien (% 60,9).