Auzitegi Nazionalak ez du onartu Israeli Vueltan boikota egitea egotzita jarritako salaketa, eskumen falta dela eta
Salaketa hori protesta egin dutenen eta erakunde bultzatzaile zein babesleen aurka jarri zuten; besteak beste, EH Bildu, Podemos, Izquierda Unida eta Sumar alderdi politikoen aurka.
Israel-Premier Tech txirrindulari taldearen aurkako protestak, Vueltan. Argazkia: Europa Press
Santiago Pedraz Auzitegi Nazionaleko (AN) epaileak ez du onartu Ekialde Hurbileko ACOM elkarteak jarritako salaketa, Vuelta txirrindularitza proban Israel-Premier Tech taldearen parte-hartzearen aurka egindako boikotaren sustatzaileen kontra, horretarako eskumen falta dela eta.
Pedrazek azaldu duenez, legeak Auzitegi Nazionalari egozten dizkion delitu baten zantzu argiak hasieratik ondorioztatzen diren kasuetan izan ezik, eskumen-arloko arau arruntei jarraitu behar zaie.
"Aurrekoa kontuan hartuta, bidezkoa da jarritako salaketa izapidetzeko ez onartzea; izan ere, aipatutako egitateak ezin dira izan Auzitegi Nazionalaren eskumenekoak diren delituetako bat, horietako bat ere ez baitago aurreikusita bere eskumenen baitan", Botere Judizialaren Lege Organikoaren 65.1 artikuluak adierazten duen bezala.
ACOMek joan den ostiralean ohar batean salatu zuenez, "manifestazio baketsuak izan beharrean", Gazako sarraskiagatik herritarrek Israelen aurka egindako protestek "agerian uzten dituzte indarkeriazko ekintza antolatuak, galtzada nahita blokeatzea eta kirolarien, antolatzaileen, ikusleen zein segurtasun-indarren osotasun fisikoa arriskuan jarri duten jokabideak".
"Eraso horiek nazionalitateagatiko diskriminazio-ekintza sistematiko bat dira, eta aurrez aurre urratzen dituzte kirol profesionala gidatu behar duten berdintasun-, neutraltasun- eta segurtasun-printzipioak", elkarte horren ustez. Horren arabera, "Espainiako errepideak jazarpen eta lintxamendu antisemitaren agertoki bihurtzea onartezina da eta legezko ondorioak izango ditu".
Salaketa hori protesta egin dutenen eta erakunde bultzatzaile zein babesleen aurka jarri zuten; besteak beste, RESCOP/BDS sarearen eta EH Bildu, Podemos, Izquierda Unida eta Sumar alderdi politikoen aurka, "Israelgo taldearen bazterketa aktiboki bultzatu dutelako".
Gizarteari buruzko albiste gehiago
Bertan behera geratu da Bilbon hilaren 17rako iragarritako Israelgo enbaxadorearen hitzaldia
Dana Erlichek "Israelen ikuspegia bere eskualdearen testuinguruan" izenburupean eman behar zuen hitzaldia bertan behera gelditu dela iragarri aurretik, Juan Mari Aburto alkateak gezurtatu egin du Bilboko Udalak ekitaldia babestu izana.
Nafarroako bizilagun bat ari dira ikertzen TikToken argitaratutako aurreratze arriskutsu batengatik
Guardia Zibilaren Trafikoko Ikerketa eta Azterketa Taldeak aldizka sare sozialetan egiten duen monitorizazioari esker izan dute horren berri. TikToken argitaratutako bideo batean ikusi zuten agenteek noranzko bikoitzeko N-232 errepidean, Errioxa parean, kamioi batek aurreratze arriskutsua egin zuela kontrako erreia inbadituz.
Maritxu Kajoi festan jasangarri eta dotore joateko, bigarren eskuko azoka jarriko du Emausek Arrasaten
Bigarren eskuko azoka zabalik egongo da, Fundazioak Arrasaten duen egoitzan, gaur, irailak 12, 17:00etatik 20:00etara, eta irailaren 20an, 10:30etik 13:30era.
Izena emana zuten zazpi jokalari israeldarrek baja eman dute Sestaoko Xake Txapelketan
Asteon jakin da horietako hiruk ez zutela parte hartuko, eta ostiral goizeko lehen orduan Sestaoko Xake Klubeko antolatzaileek baieztatu dute ez dela Israelgo jokalaririk izango Las Llanaseko pilotalekuan egingo den txapelketan.
Protestek ez dute etenik Vueltan, baina Fiskaltzaren ustez ez dira Audientzia Nazionalaren eskumena
Valladoliden jokatu den erlojuaren kontrako etapan bi pertsona atxilotu dituzte eta aske gelditu dira ondoren. Horrez gainera, beste 15 identifikazio egin dituzte polizia-agenteek.
Sestaoko xake txapelketa bandera eta sinbolorik gabe jokatuko da
Gazako sarraskia dela eta, Sestaoko Xake taldeak jokalari israeldarrei eskatu zien txapelketan ez parte hartzeko edo nazioarteko federazioaren banderapean jokatzeko. Nazioarteko Xake Federazioak, ordea, erabaki horren aurka egin du. Ondorioz, Las Llanas pilotalekuan nazioarteko banderarik edo sinbolorik ez egotea erabaki dute; Palestinako bandera bat soilik, “elkartasun espresio gisa”. Israelgo hiru jokalarik parte hartzeari uko egin diote.
ELA sindikatuaren ustez, Beatriz Artolazabalen aurkako panfletoen jaurtiketa "guztiz gaitzesgarria" da
Rafael Busto ELA sindikatuko ordezkariak adierazi duenez, ez dute inor seinalatu nahi. "Gure lan-gatazka konpondu nahi dugu. Ez diogu errua inori egozten, Gasteizko Udalari baizik", gaineratu du Bustok.
Bere etxe aurrean izandako "jazarpen ekintza" ez gaitzestea leporatu dio Artolazabalek EH Bilduri
Beatriz Artolazabal Gasteizko zinegotziak salatu duenez, ostegun goizean irainak eta sinbolo iraingarriak zituzten panfletoak bota dituzte bere etxe aurrean, Enviserreko langileen grebaren baitan.
Israelgo zazpi xake jokalarietatik hiruk baja eman dute ostiral honetan hasiko den Sestaoko txapelketan
Sestaoko Xake Klubak, Israelek Gazan "giza eskubideen urraketa sistematikoa" gaitzesteko, joan den astean Israelgo xakelariak gonbidatu zituen txapelketan ez parte hartzera eta, hala eginez gero, FIDEren (Nazioarteko Xake Federazioa) banderapean jokatzera, izan ere, 'open' kategoria denez, antolatzaileek ezin diete lizentzia duten jokalariei parte hartzea galarazi.