Manifestazioak Sestaon eta Baionan, Israel zuritzearen eta Gazako genozidioaren kontra
300 pertsona inguru izan dira Bizkaiko udalerriko protestan; Lapurdiko hiriburukoak, aldiz, 200 pertsona inguru bildu ditu.
Sestaoko manifestariek salatu dute Israelek kirola eta kultura erabiltzen dituela "nazioarteko irudia zuritzeko". Argazkia: Europa Press.
300 pertsona inguru bildu dira Sestaon eta 200 inguru Baionan larunbat honetan Palestinako egoera salatzeko. Bizkaiko udalerrian egindako protestan, manifestariek salatu dute Israelek kirola eta kultura erabiltzen dituela "nazioarteko irudia zuritzeko". Lapurdiko hiriburuko manifestazioan, aldiz, berehalako su-etena eskatu dute, Palestinako herriaren "genozidioa" salatuz.
Sestao Palestina Herri Ekimenak kontzentrazioa burutu du larunbat honetan Open Basque Country txapelketaren atarian. Izan ere, horretan zazpi xakelari israeldar ziren partehartzaileen artean. Kirolariek txapelketatik erretiratzea erabaki duten arren, plataformak ez du protesta bertan behera utzi.
Sestao Palestina Herri Ekimena
Sestaok ez du estatu genozidaren ordezkaririk nahi kaleetan"
Plataformatik "lorpen txiki bat" bezala ospatu dute xakelarien erretiratzea. Bien bitartean, Gazak "genozidioa pairatzen jarraitzen duela" azpimarratu dute manifestariek.
"Sestaok ez du estatu genozidaren ordezkaririk nahi bere kaleetan", adierazi dute plataformatik. Gainera, manifestazioan Sestaoko Xake Klubaren babesa eskertu nahi izan dute: "Sestaoko bizilagunek erakutsitako indarrari esker, gure xake klubaren esfortzuarekin batera, lortu da helburua".
Carine, Frantzia-Palestina Elkartasun Elkarteko (AFPS) kidea
Herritarrek protesta egiten badute, gobernuak presionatu eta euren erabakietan eragin dezakete"
Lapurdiko hiriburuan, aldiz, 200 bat lagun izan dira Frantzia-Palestina Elkartasuna (AFPS) elkarteak eta Baiona Palestinarekin kolektiboak deitutako manifestazioan. Horretan, Gazako Zerrendaren egoera humanitarioa salatu dute, non, Hamaseko Osasun Ministerioaren arabera, 64 700 pertsona baino gehiago hil eta 164 000 zauritu dira, 2023ko urritik.
"Herritarrek protesta egiten badute, gobernuak presionatu eta euren erabakietan eragin dezakete", adierazi du AFPSko kide de Carinek.
Gizarteari buruzko albiste gehiago
Gatza biltegiratzeko jaia ospatu dute Gesaltza Añanan, "urre zuri" honen bilketa irudikatuz
Gatzagak elkarteak 2008an berreskuratu zuen jai hau, eta oso egun berezia bihurtu da ordutik gatz egile guztientzat. Aurten, gainera, omenaldia egin diete Gatz Harana bizirik mantendu zuten emakume guztiei.
Gutxienez 25 zauritu, horietako hiru larri, Madrilgo Vallecas auzoko taberna batean izandako leherketan
Gutxienez 25 pertsona zauritu dira, horietako hiru larri, Madrilgo Puente de Vallecas barrutiko Manuel Maroto kaleko 'Mis Tesoros' tabernan izandako leherketa baten ondorioz. Leherketa horrek eraikinaren goiko aldean zeuden etxebizitzei ere eragin die. Madrilgo Udaleko suhiltzaileen bozeramaile baten arabera, "gas kontzentrazio" batek eragin du leherketa.
Txokolatea, erosketa saskian gehien garestitu den produktuetako bat
Horren aurrean, txokolategileek bi aukera dituzte: prezioak igo edo kalitatea txikitu. Boli Kosta eta Ghana dira kakao ekoizlerik handienak, mundu osoan kontsumitzen den kakaoaren % 60 inguru ekoizten baitute han.
Espainiako Vueltako txirrindulariei bidea itxi diete, errepidean eserialdia eginez
Israelen aurkako eta Palestinaren aldeko protestan, 100 manifestarik Vueltako ibilgailuen karabana geldiarazi dute helmugatik 18 kilometrora. Ziklistek, baina, errepidearen hegaletatik egin dute bidea, manifestariak erdian utzita.
Gizon bat atxilotu dute Tuteran, bikotekide ohia jotzeagatik
Autoz ihes egin, eta istripua eragin zuen AP-68an.
EAJk salatu du Gasteizko etorkinentzako makrozentroak "talka" egiten duela "euskal harrera ereduarekin"
Jone Berriozabal Arabako jeltzaleen buruak uste du Espainiako Gobernuak "beste leku batzuetarako nahi ez duen eredua" eraman duela Gasteizera. Horregatik, atzera egiteko eta lanak bertan behera uzteko eskatu dio.
Oscar Guerrero, Israel-Premier Tech taldeko zuzendaria, bere etxean dago jada Espainiako Vuelta utzi ostean
Orain egun batzuk esan zuen ez zuela lasterketa utziko. Atzoko etapan, baina, ez zen bere taldearen autoan joan, eta, dirudienez, Nafarroara itzuli da.
Bi pertsona zauritu dira Andoaingo etxebizitza batean gas leherketa baten ondorioz
Donostia Ospitalera eraman dituzte, baina ez daude larri. Etxebizitza prezintatu egin dute, badaezpadako neurri gisa.
135 pertsona bizi dira Donostiako Herrera auzoko fabrika abandonatu batean
Gizonak, atzerritarrak eta adinez nagusiak dira denak. Eraikinaren egoerak kezkatuta, Herripe auzo elkarteak ikuskapena egiteko eskatu zion Udalari. Teknikariak bertaratu direnean identifikatu dituzte Udaltzaingoak eta Ertzaintzak.