Valentziako larrialdi zerbitzuek Es-Alert mezua bidali dute, euri-jasa bortitzak espero direla-eta alerta gorrian daudelako
Aemetek alerta gorria ezarri du Valentziako Erkidegoan eta Katalunian, prezipitazio handiak espero direlako. Nafarroa, berriz, abisu horian dago 15:00etatik, euriagatik.
Borraska estratropikal gisa iritsi da Iberiar penintsulara Gabrielle urakana, eta datozen orduetan Mediterraneoan eta Andaluzian eragin handia izango du, aurreikuspenen arabera. Bihartik aurrera, Valentzia hegoaldean espero da okerrena, duela 11 hilabete GOIDIak gehien kaltetutako eremuan, hain zuzen ere. Gaur bertan, beste manifestazio bat egingo dute Valentzian, iazko GOIDIAn izandako jokabideagatik Mazon presidentearen dimisioa eskatzeko.
Estatuko Meteorologia Agentziak (Aemet) abisu gorriak ezarri ditu Katalunian eta Valentziako Erkidegoan igandeko 20:00etatik aurrera, euri-jasak direla eta. Gaurtik asteartera arte iraungo du abisuak, eta metro koadroko 200-250 litro baino gehiago pila daitezke zenbait zonaldetan unerik txarrenean. Gaur arratsalderako, adibidez, 3-4 orduko tartean 180 litro pilatzea aurreikusten da.
Aurreikuspen horien aurrean, Valentziako Gobernuak bertan behera utzi du eskola-jarduera oro, eta, ondorioz, bihar ez da klaserik egongo, ez ikastetxeetan, ezta unibertsitatean ere.
Adifek eta Renfek ere krisi kabineteak deitu dituzte, euriteek trenen zirkulazioan eragina izan dezaketelako gaur arratsaldean eta bihar goizaldean.
Es-Alert
Gainera, Valentziako Generalitateko Larrialdiak Koordinatzeko Zentroak Es-Alert mezua bidali du Castelloko iparraldeko eta Valentziako kostaldeko mugikorretara.
Mezu horretan, arretaz ibiltzeko eskatu dute igandeko 20:00etatik aurrera Castelloko iparraldeko kostaldean eta asteleheneko 04:00etatik aurrera Valentziako kostaldean.
Gainera, Valentziako Erkidegoko gainerako tokietan, euriagatik abisu horia eta laranja daudela ere gogorarazi dute, eta, beraz, kontu handiz ibiltzeko eta abisuei adi egoteko gomendatu dute.
Nafarroa
Nafarroan, Erriberan nabarituko omen da gehien euriteen eragina. 15:00etan abisu bat aktibatu dute euriagatik eta beste bat ekaitzak izateko arriskuagatik, eta Ebroko Konfederazio Hidrografikoak "bat-bateko ur-goraldiak" egon daitezkeela ohartarazi du.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako ospitalera. Atxilotuak komisaldegian jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean ustez bere bikotekideak hil zuen Basaurin, baina sortzez Berangokoa zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.