Aldarrikapen eta elkartasun eguna larunbatean Bilbon, Euskal Selekzioaren eta Palestinaren arteko partidan
Larunbatean San Mamesen jokatuko den lagunartekoarekin batera, kirolaz kanpoko ekitaldi ugari egingo dira: arratsaldean deitutako bi manifestazio, eta goizetik hasita omenaldi eta jarduera kulturalak.
Bilbok larunbat honetan mobilizazio sozial eta aldarrikapen eguna biziko du, Euskal Selekzioaren eta Palestinaren arteko lagunartekoarekin bat eginez. Futbolaz harago, ekitaldiak herritarren erantzun zabal eta berezia piztu du, Palestinako herriari elkartasuna adierazteko eta Euskal Selekzioaren aitortza ofizialaren alde egiteko.
Goizetik hainbat ekitaldi antolatu dira Bizkaiko hiriburuan; horien artean daude Bilboko Konpartsek deitutako Bilbo Kantari edizio berezia eta Palestinarekin Elkartasuna plataformak antolatutako hildako atleta palestinarren aldeko omenaldia.
Arratsaldean egingo dira ekitaldi nagusiak: bi manifestazio ia aldi berean. Lehenengoa, Gernika-Palestina ekimenak sustatua, 17:30ean abiatuko da Arriaga Antzokitik, “Herri libreak, genozidioa stop” lelopean. Bigarrena, Palestinarekin Elkartasuna plataformak antolatua, 18:30ean abiatuko da Areatzatik, Palestinarekiko elkartasuna eta Euskal Selekzioaren aitortza ofiziala eskatzeko.
Lehen mobilizazioan Gure Esku eta Gu Ere Bai taldeek parte hartuko dute, eta bigarrenean, berriz, kirolarekin lotutako animazio taldeek, hala nola Iñigo Cabacas Herri Harmaila, Bultzada, Indar Gorri eta Iraultzak.
Alderdi politikoen artean, EH Bilduk Gernika-Palestinaren manifestazioa babestuko duela iragarri du, eta EAJk bere afiliatuei San Mamesera joateko deia egin die, “Ofizialtasunetik askatasunera” lelopean.
50.000 sarrerak agortuta eta hiri osoa zita horretan murgilduta, Euskal Selekzioaren eta Palestinaren arteko partidua kirol arlotik haragoko egun bihurtuko da, aldarrikapen eta elkartasun kolektiboaren sinbolo.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.