Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
Urdaibaiko Guggenheim museoaren egitasmoa behin betiko bertan behera utzi du museoko Patronatuak, aho batez, astearte arratsalde honetan Bilbon egin duen bileran. Elixabete Etxanobe Bizkaiko ahaldun nagusiak, Ibone Bengoetxea lehendakariorde eta Kultura sailburuak eta Miren Arzalluz Museoko zuzendariak eman dute erabakiaren berri prentsaurrean.
Miren Arzallusek azaldu duenez, Urdaibaiko museoaren zabalkuntzarekin aurrera ez jarraitzeko erabakia "2023ko abendutik egin den hausnarketa eta azterketa sakonetik" eratorritako ondorioak aztertu ondoren hartu da.
Elixabete Etxanobek gehitu du ez dela erabaki erraza izan. Bere hitzetan, gelditzeko erabakia hartzeko arrazoi nagusia "ontziola dagoen lurzatiaren egoera juridikoan" dago. Artearen eta naturaren arteko lotura han egitea bilatzen bazuten ere, museoaren eraikina bertan jartzeak "tramitazio luze, konplexu eta berme osorik gabekoa" eskatzen duela jakinarazi du.
Beraz, ahaldun nagusiaren hitzetan, "erabaki arduratsua" hartu du Patronatuak, "arrakastarako baldintzarik ematen ez delako".
Proiektua bertan behera uztea erabaki duten arren, Ibone Bengoetxea lehendakariordeak azpimarratu du Busturialdea-Urdaibai eskualdea "lehentasuna" dela Foru Aldundiarentzat zein Eusko Jaurlaritzarentzat. Bertan egin den entzute prozesua "kalitate demokratikoko adierazpena" izan dela iritzi dio eta "lurraldea hobeto ezagutzeko" aukera eman diela.
Prozesua ez dela amaitu jakinarazi du, baina herritarren "kezkak, espektatibak eta lehentasunak" agerian utzi dituela gaineratu du. Hori dela eta, erakundeak "eskualdearen garapen jasangarriarekin konprometitzen" direla azpimarratu du eta herritarren "kezka horiei erantzuteko egitasmoak" burutuko dituztela agindu du.
Guggenheim Bilbao Museoari dagokionez, Bengoetxeak argi utzi du erakundeak alboan izango dituela hurrengo plan estrategikoa burutu eta etorkizunerako ibilbide orri bat garatzeko 2026an hasiko duen hausnarketa prozesuan.
Izan ere, Miren Arzallusen hitzetan, plan estrategiko horretan, “eztabaida museologiko eta artistiko garaikideak dakartzan erronka eta paradigma berriei” helduko die museoak. "Behar den denbora eta askatasuna hartuko dugu", esan du, museoan izango duen "alternatibak ze forma hartuko duen pentsatzeko".
Zure interesekoa izan daiteke
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak Guggenheim Museoa Urdaibain zabaltzeko 'ezetza' islatzen du, baina 'baietza' eskualdeko garapenari
Herritarren artean entzute prozesua gidatu duen Agirre Lehendakaria Centerrek azaldu duenez, "hasierako narratiba" horien zati esanguratsu bat "beste joera batera" mugitu da hilabeteetan zehar. Izan ere, Urdaibaiko Guggenheimaren aurkako iritziak jaso dira, baina baita eskualdearen garapenaren aldeko jarrerak.
Korrika egitea, osasuntsu zahartzeko: Fernando eta Leopoldo, 81 eta 76 urterekin korrika egiten jarraitzen duten beteranoak
Fernandok 31 Behodia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik bere ongizate fisikoagatik, gaixotasunak prebenitzen eta zahartzea atzeratzen ere laguntzen baitie.
Ziberindarkeria matxistak ezagutzen laguntzeko gida argitaratu du Emakundek
"Jarri izena" gira gazteei zuzenduta dago, eta bere helburua da ingurune digitaleko indarkeria matxistak identifikatzea, askotan oharkabean pasatzen dira eta, eta alfabetatze digitala eskaintzea, sareetan gertatzen diren indarkeria matxista mota guztiak hautemateko eta horiei izena jartzeko.
Espainiako Gobernuak iragarritako garraio-abonu bateratua urtarrilaren 19tik aurrera erabili ahal izango da
Oscar Puente Garraioetako eta Mugikortasun Iraunkorreko ministroak adierazi duenez, Gobernuaren asmoa gainerako administrazioekin lan egitea da, hala nola autonomia-erkidegoekin eta udalekin, etorkizunean hiri barruko eta hiriarteko abonuak bateratu zein integratzeko eta garraio-txartel bakarrarekin funtzionatu ahal izateko, Europako beste herrialde batzuetan gertatzen den bezala.
Etxegabe bat hil da Donostiako Easo plazan
Hasierako zantzuen arabera, autopsiaren zain, berez hil da. Plazako kioskoan lurrera erori da, antza denez, gaua bertan igaro ostean.
Nafarroa osoan "mugimendu euskaltzalea suspertzea" eta euskararen ofizialtasuna aldarrikatu ditu Euskalgintzaren Kontseiluak
Euskararen Foru Legea onartu zeneko 39. urteurrenean, plataformak salatu du zonifikazioak "oinarrizko eskubideak ukatzen" dituela eta nafarren artean arrakala bat sortu, eta abenduaren 27an Bilbon egingo den ekitaldian parte hartzera deitu ditu herritarrak.
Zestoako sei herritar salatu dituen gizonezkoak epailearen aurrean esan du "bizitza hondatu"diotela auzipetuek
Akusatuen artean dago salaketa jarri duen gizonezkoaren bikotekide ohia, baita Zestoako alkatea ere —gertakariak izan zirenean zinegotzia zen—. Akusazio partikularrak bost urte arteko espetxe zigorrak eskatu ditu, eta mugimendu feministak salatu du elkartasun feminista ari direla epaitzen.