Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Behiak, Bizkaiko larreetan. Irudia: EITB
Espainiako Gobernuko Nekazaritza, Arrantza eta Elikadura Ministerioak Europako Batzordeari eskatu dio Hego Euskal Herrian eta Aragoin premiazko txertaketa baimendu dezala dermatosi nodularrari aurre egiteko. Frantziako Estatuarekiko mugatik hurbil dauden eskualdeetan txertatu nahi ditu abelburuak, Nafarroan, Euskadin eta Aragoin, hain zuzen ere.
Dermatosi nodular kutsakorrak etenik gabe aurrera egiten jarraitzen du Frantzian, eta azken orduetan hiru foku atzeman dituzte. Nekazaritza Ministerioak adierazi du horrek esan nahi duela "birusa libreki zirkulatzen ari dela Pirinioen iparraldera".
Hala, mugan dauden eskualde horietan premiazko txertaketa egitea "babes neurri" bat dela nabarmendu du, gaitza gainerako autonomia erkidegoetara ez zabaltzeko. Espainiako Estatuak gaineratu duenez, txertoen dosiak banatuko dizkiete autonomia erkidego horiei.
Dermatosi nodularra birus oso kutsakorra da, behi-aziendari eragiten dio, eta ekoizpen- eta diru-galera larriak eragin ditzake. Izan ere, behin birusa abelburu batean atzemanez gero, ustiategia erabat hustu behar da.
Azken orduotan areagotu egin da gaitza Hego Euskal Herrian sartzeko arriskua, fokuak atzeman direlako mugatik nahiko gertu. Testuinguru horretan, premiazko prebentzio-neurri koordinatuak martxan jartzea erabaki da.
Nafarroako Gobernuak atzo adierazi zuen bezala, gaur Bizkaiko eta Gipuzkoako foru aldundiak beharrezko neurriak hartzearekin ados daudela nabarmendu dute.
Zure interesekoa izan daiteke
Sei kilometrorainoko auto-ilarak N-1 errepidean, Villabona parean bi kamioik izandako istripuaren ondorioz
Eusko Jaurlaritzako Segurtasun Sailak jakinarazi duenez, istripua Gasteizerako noranzkoan gertatu da. Errei bat itxita dago, eta auto-ilarak A-15 autobidean ere ari dira arazoak sortzen.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Hantabirusa duten hiru bidaiari ebakuatu dituztela eta Herbehereetara bidean direla baieztatu du MOEk
Ontziko medikua ez dute azkenean Kanarietara eramango, bere osasunak hobera egin baitu. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du".
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.
Gutxienez 21 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Bi ibilgailuk istripua izan dute Erandion, eta auto-ilarak daude BI-30 errepidean, Txorierriko igarobidean,
Ezbeharra 12. kilometroaren parean gertatu da, eta zirkulazioa murriztu behar izan dute Galdakaorako noranzkoan.