Putin eta Xi kontraerasoan, AEBren merkataritza gerraren aurrean
Vladimir Putin eta Xi Jinping Errusiako eta Txinako presidenteek goi bilera egin zuten atzo Moskun, eta neurriak iragarri zituzten AEBk abiatutako merkataritza gerrari aurre egiteko. Trumpek Txinako zenbait produkturi, batez ere puntako teknologiakoei, muga-zergak igo berri dizkie. Horren aurrean, kontraerasora pasatzea erabaki dute bi potentzia "lagunak".
"Bi aldeok konpromisoa hartzen dugu informazio teknologien produktuei zein horien esportazioari ezarritako oinarririk gabeko murrizketei aurre egiteko", irakur daiteke biek sinatutako agirian.
Donald Trumpen administrazioak Huawei betoa ezarri ziotenik urak arre daude Txina eta AEBren artean. Putinek Xi "lagun maitearen" alde egin zuen atzo herrialdeen aldebiko harremanen 70. urtemugan —Mao Zedongen Txinako Errepublika Popularra aitortzen lehena izan zen Sobiet Batasuna, 1949an—.
Are, Errusiako presidenteak AEBri "aitzakia politikoak erabilita, konpetentzia desleiala" egitea egotzi zion, eta auzi jakin bat jarri zuen adibide gisa: Nord Stream-2 gasbide errusiarra eraikitzeari ezarritako trabak, AEBren eskisto-gasa Europara esportatzeko ustezko asmoarekin.
Putin eta Xi, Krelimean. Argazkia: EFE
Aldebiko harremana, inoizko onena
Bi buruzagien arteko bilera "adeitsua" izan zen, eta biek nabarmendu zuten "azken urteetan aurrekaririk gabeko mailan" dagoela euren aldebiko harremana. Azpimarratu zutenez, bi herrialdeen arteko merkataritza itunek urtean 108.000 milioi dolarreko langa gainditu dute.
Elkarri lausengu esateaz gain, hainbat akordio itxi zituzten Putinek eta Xik. Besteak beste, 1.000 miloi dolarreko aurrekontua —erdibana finantzatuko dute— izango duen Zientziaren eta Teknologiaren Berrikuntza Funtsa sortzea adostu zuten.
Gas naturala eta gas natural likidotua Txinan saltzeko akordioa izenpetu zuten: Errusiako Novatek gas konpainiak eta Gazprombank banketxeak eta Txinako Sinopec petrokimikoak hartuko dute parte.
Era berean, espazioan lasterketa armamentistikoa saihestea hitz eman zuten. "NBEn Armagabetzerako Konferentzia giltzarri izango da", erantsi zuten.
Azkenik, Venezuelako auzia hizpide, bi aldeei "elkarrizketa politikoaren bidez herrialdearen arazoak konpontzeko" deia egin zieten, "esku hartze militar bat saihestuz".
Zure interesekoa izan daiteke
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.