Japoniak 'protekzionismoaren tentazioari' uko egiteko eskatu du G20ren goi-bileran
G20ren goi-bilera hasi da gaur Osakan (Japonia), eta anfitrioiak, Japoniak, merkataritza librea indartsu defendatzeko deia egin du, "protekzionismoaren tentazioaren" aurrean, bakearen eta mundu mailako garapena arriskuan jartzen duela iritzita.
"Mezu indartsua zabaldu behar dugu sistema libre eta justuari eusteko, diskriminaziorik egon ez dadin", adierazi du Shinzo Abe Japoniako lehen ministroak goi-bileraren hasieran.
Aberen hitzaldia izan da kazetariek jarraitu ahal izan duten bakarra goi-bileraren lehenengo saioan.
Xi Jinping Txinako eta Donald Trump AEBko presidenteek larunbat honetan izango duten bileran dago jarrita arreta nagusia, duten merkataritza gatazkaren eraginez, baina aldebiko batzarrak ostegunean hasi ziren.
Abek laneko gosarian hitz egin du, mahai borobil batean, G20ko herrialdeetako buruzagien aurrean, hau da, garatutako eta garatze bidean dauden ekonomiketako buruzagien aurrean.
"Merkataritza eta geopolitika gaien inguruko tentsioak hazten ari dira"; adierazi du Abek bere hitzaldian, Antonio Guterres Nazio Batuen Erakundearen idazkari nagusiak Osakako batzarra "tentsio altuko" une batean egiten ari direla aitortu aurretik.
Abek gogorarazi du merkataritza librearen bandera defendatu duela beti, eta berretsi du "ekonomia libre eta irekia" direla "bakearen eta oparotasunaren oinarriak".
Lehen ministro japoniarrak azaldu du G20ren sorburuan XX. mende amaierako finantza krisia zegoela, gero 2008ko krisia etorri zela, eta orain merkataritza dela arazoa.
"Globalizazioaren ondorioz izan diren aldaketa handiek sortu duten antsietate eta ezinegonak protekzionismorako tentazioa bizitu dute, eta horrek estatuen arteko aurrez aurrekoak areagotu", ohartarazi du lehen ministro japoniarrak.
Lau saio
Gaur eta bihar lau saio egingo dituzte, eta G20ko buruzagiak merkataritza politikak adosten saiatuko dira, tartean Merkataritzaren Nazioarteko Erakundearen erreforma.
Berrikuntza, garatutako herrialdeetako herritarren zahartzea edo zergak ere izango dituzte aztergai.
Bilera formalez harago, arreta korridoreetan ere egongo da, Trumpek eta Xik bihar izango duten bileraren harira, horrek baldintzatu baitezake merkataritza gatazkaren norabidea.
Zure interesekoa izan daiteke
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.