Birusaren aldaera berriei aurre egiteko plana aurkeztu du Bruselak
Europako Batzordeak (EB) egitasmo berria aurkeztu du covid-19aren aldaera berriei aurre egiteko. Planak 225 milioi euro baino gehiagoko aurrekontua izango du, eta besteak beste, honakoak izango ditu xede: farmazia enpresekin kontratu berriak izenpetu eta eguneratzea, txertoak onartzeko bidea azkartzea, birusaren genoma atzemateko testak areagotzea edo Israelen eta Suitzaren entsegu klinikoetan parte hartzea.
Erresuma Batuan, Hegoafrikan, Brasilen eta Ugandan sortutako aldaerei aurre egiteko moldaketak egin behar dituzte farmazia enpresek, eta gaur egun indarrean dauden kontratuak "eguneratzea" ekar lezake horrek. "Beharrezkoa bada, hala egingo dugu", nabarmendu du Bruselak.
Eguneratze horiek modu "zehatz eta sinesgarrian" egin behar diela uste du EBk, eta "orain arteko irakaspenak" aipatu ditu horren adibide. Izan ere, Ursula Von der Leyen EBko presidenteak berriki aitortu duenez, "baikorregiak" izan ziren txertoekin.
Bruselak lantaldea sortu du txertoen ekoizpena azkartzeko asmoz. Horren egitekoen artean egongo dira farmazia enpresekin lankidetzan aritzea botila-lepoak zeintzuk diren atzemateko eta borondatezko patente elkartrukatzea sustatzea.
Horrez gain, egitasmoak aurreikusi du hirugarren herrialdeen txertoak erabili ahal izatea, betiere Europar Batasuneko segurtasun baldintzak beteta.
Halaber, laborategiek aldaera berriei aurre egiteko moldaketak onartzeko bidea azkartzea proposatu du EBk, Europako Sendagaien Agentziaren prozesu guztia berriro pasatu gabe. Gauza bera egiten omen da gripearen txertoarekin, azaldu duenez.
Azkenik, Bruselak nahi du egiten diren proben gutxienez % 5ean birusaren genoma sekuentziatzea aldaerak atzemateko.
Zure interesekoa izan daiteke
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Abukeshek eta Avila deportatu dituztela baieztatu du Flotillak, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.