Diktadurako zortzi errepresiogile zigortu dituzte gizateriaren aurkako delituengatik
Argentinako Justiziak diktadura garaiko (1976-1983) zortzi errepresiogile zigortu ditu 816 biktimari gizateriaren kontrako delituak egiteagatik. Krimenok Buenos Airesko Armadaren Mekanika Eskolan (ESMA, gazteleraz), garaiko tortura zentro handienean, jazo ziren.
Prozesu judizial luze baten ostean, Buenos Airesko 5. Ahozko Epaitegi Federalak biziarteko kartzela zigorra ezarri die Carlos Mario Castellvi ontzigintza-ofizialari, Raul Armando Cabral Polizia Federaleko agente izandakoari eta Miguel Conde 601 Batailoiko inteligentzia-agenteari.
Horrez gain, sei urteko espetxe zigorrarekin kondenatu dute Claudio Vallejos Armadako soldadua. Epaiketak iraun dituen bi urte eta erdian aske egon den bakarra izan da Vallejos. Bestalde, Ramon Roque, Jose Angel Iturri eta Jorge Luis Ocaranza Armadako ofizialorde izandakoei 15 urteko kartzela zigorra ezarri diete.
Epaia bideokonferentzia bidez jakinarazi du Daniel Obligado epaimahaiburuak.
Torturak, hilketak eta bahiketak
Orain zigortutako zortzi errepresiogileek ESMAn jarduten zuten, diktaduran izandako atxilotze zentro klandestino nagusian. Bertan, hainbat delitu egin zituztela ebatzi du epaitegiak: torturak, hilketak, bahiketak eta adingabeak ostea... Uste da 5.000 pertsona baino gehiago pasatu zirela bertatik.
Hiru errepresiogile zigortu dituzte gogorren: Raul Armando Cabral, Carlos Mario Castellvi eta Miguel Conde. Cabrali 400 bahiketa, 60 hilketa, eta 20 bat adingabe atxiki edo ostea egotzi diote. Castellviri hainbat bahiketa, tortura eta hilketa leporatu dizkiote, eta Conderi, galdeketetan adierazpenak torturapean lortzea.
Zigor txikienak Carrillo, Roque, Iturri eta Ocaranzari ezarri dizkiete, delituotan bigarren mailako papera izan zutelakoan. Vallejos, azkenik, Hector Hidalgo Sola buruzagiak bahitzeagatik zigortu dute.
Armadaren Mekanika Eskolako sotoa tortura zentroa zen. Eskolako beste parte batean amaetxe klandestino bat paratu zuten. Han erditu ziren bahitutako 25 bat emakume, eta jaiotako umeak saldu egin zituzten errepresiogileek.
Zure interesekoa izan daiteke
Iranek eta Omanek Ormuzen nabigatzeko bide berri bat adostu dute
Itsasarteko ibilbide berriari buruzko akordioak ez du esan nahi berriro irekiko dutenik, Iranek zehaztu duenaren arabera, AEBen eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen, tartean bost adingabe, eta 52 Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.