Energia irlekin eta "irudikatzeke" dauden lanpostuekin amaitu da Bidenen goi-bilera
AEBk antolatutako Klimaren Goi-bilera gaur amaitu da, nazioartearen konpromisoak berrituta eta klima aldaketari aurre egiteko oraindik "irudikatzeke" dauden milioika enplegu sortuko diren etorkizuna ortzi-mugan.
"Oraindik irudikatu ere egin ez ditugun lan eremuetan jardungo duten beharginak egongo dira baserri, laborategi eta unibertsitateetan", adierazi du Joe Biden AEBko presidenteak gaurko hitzartzean, mundu osoan "ondo ordaindutako milioika lanpostu" sortzeko “aukera" irekiko dela azpimarratzeko.
Horren harira, Bill Gates Microsoften sortzaileak ohartarazi du "gaur egun erabiltzen den" teknologiarekin "ezin" direla negutegi efektua eragiten duten gasen murrizketa lortu, eta horregatik sektore publikoak eta pribatuak "inbertsio bateratu handia" egin behar dutela.
"Ez da egongo politikari bat" ekonomia iraunkor eta berderantz "doan merkatua aldatuko duenik", azaldu du John Kerryk, Bidenek goi-bilerara bidali duen bidali bereziak.
Nazioarteko lankidetza
Pandemiaren eraginez birtualki egin duten goi-bileran, mundu mailako 40 agintarik parte hartu dute, eta ekonomia berde eta iraunkorrerantz pausoak emateko eta gas isuria murrizteko asmoak azaldu dituzte.
Bidenek txalotu egin du parte-hartzaileek erakutsitako jarrera, eta adibide gisa Vladimir Putin Errusiako presidentearen hitzak aipatu ditu, Washingtonen eta Moskuren artean tentsio diplomatikoa hazten ari den honetan.
"Putin presidenteak eta nik desadostasunak ditugu, baina espaziotik karbonoa nola hartu azaltzen ari da. Zentzu handia du: Errusiako presidentea eta ni ados ez gauden arren, bi nazio handi hauek elkarlanean aritu daitezke irtenbideak lortzeko", gaineratu du Bidenek.
Gasa isurtzen duten estatu handienetako bi dira AEB eta Japonia, eta ostegunean isuriak murrizteko eta neutraltasun klimatikoa 2050ean lortzeko helburu berriak iragarri zituzten atzo. Europar Batasunak ere bere egin zuen helburu hori, eta Txinak eta Errusiak gerturatzeko konpromisoa hartu dute.
Gaurkoan Pedro Sanchez Espainiako Gobernuko presidenteak parte hartu du goi-bileran, eta txalotu egin du AEB, Bidenen Administrazioarekin, klima aldaketaren aurkako Parisko Akordiora itzuli izana.
"Hori da gure garaiaren mehatxuari aurre egiteko modu bakarra", azaldu du Sanchezek AEBren buruzagitzaren beharraz.
Energia irlak
Benjamin Netanyahu Israelgo lehen ministroak hitzeman du 2025ean ez duela "ikatzik erreko" elektrizitatea ekoizteko zentraletan, eta hamarkada amaitzerako horniduraren "herena" energia berriztagarriena izango dela.
Bien bitartean, Mette Frederiksen Danimarkako lehen ministroak "energia irlen" proiektua defendatu du, elektrizitate garbia ekoizteko Iparraldeko Itsasoan jarriko duten azpiegitura.
"Imajinatu Iparraldeko Itsasoan hegan. Ehunka turbina eoliko zerumugan. Gerturatu ahala, irla bat ikusten da, irla bat elektrizitate garbia sortzen, erregai garbia, Europako milioika etxebizitzatarako berrikuntza berdea", adierazi du Frederiksenek.
Helburuak
Ostegunean, goi-bilera irekitzeko hitzaldian, Bidenek 2030erako gas isuriak % 50 inguru murrizteko konpromisoa hartu zuen, 2005ekoen aldean, Parisko Akordioan hasiera batean esandakoa halako bi.
Hala eta guztiz ere, eta baikortasuna berritu duten arren, buruzagiek aitortu dute zaila dela aurrean duten egitekoa.
Zure interesekoa izan daiteke
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.