Akordio bat lortzeko oraindik "mendi bat igo" behar dela onartu du COP26ko presidenteak
Alok Sharma COP26ko presidenteak astearte honetan onartu duenez, nahiz eta aurrerapausoak eman, "oraindik mendi bat igo" behar dute klimaren goi-bileran akordio bat ixteko, mende honetan Lurraren berotzea 1,5 gradura mugatzea lortzeko.
Erresuma Batuko ministro ohiaren hitzetan, herrialdeen arteko "anbizio arrakala txikitu" egin da, baina "munduak orain behar duena promesak betetzea da".
Sharmaren arabera, asteazkenean agiri politikoaren bigarren zirriborro bat argitaratuko dute, Glasgowko (Eskozia) konferentzia ostiralean amaitu baino lehen azken testua adostu ahal izateko.
Nahiz eta munduko herrialdeen "adierazpenak esperantzagarriak" izan, oraingoz ez daude helburutik gertu, esan du Frans Timmermans Itun Berderako Europako Batzordearen presidenteordeak.
"Ez gaude beharko genukeen tokian, ezta hurbil ere. Norabide onean goaz, bai, baina mundua 1,5 graduko xedetik oso urrun dago oraindik", onartu du Timmermansek COP26n.
Bestalde, anbizio klimatiko eta laguntza gehiago eskatu dizkie garapen bidean dauden herrialdeen taldeak (G77+Txina) estatu aberatsei, berotze globalaren ondorioei aurre egiteko.
Larrialdi klimatikoaren aurrean erantzukizun partekatua da, baina herrialde bakoitzak ekarpena egokitu behar du "bere egoerara", "justizia eta zuzentasuna" oinarri hartuta, adierazi du Ahmadou Sebory talde horretako eta Gineako ordezkariak.
"Promesak betetzea" eskatu dio G77+Txina taldeko bozeramaileak mundu garatuari, finantziazio klimatikoan urtero 100.000 milioi dolar bideratzeko helburuarekin.
Era berean, energia garbietara trantsizioa egiteko teknologia eta finantziazioa lortzeko orduan "diskriminaziorik ez izatea" aldarrikatu du Alexey Overchuk Errusiako lehen ministrordeak.
Azkenik, Eskoziako Poliziak 16 pertsona atxilotu ditu manifestazio klimatiko batean. Enpresa batzuetako zuzendarien bilera ustez boikotatzeko xedea zuen mobilizazioak, 'fracking'aren aurka protesta egiteko.
Zure interesekoa izan daiteke
Danimarkak iragarri du presentzia militarra indartuko duela Groenlandian, NATOko aliatuekin
Gogorarazi du iazko udan handitu egin zutela uhartean zuen presentzia, hainbat ekimenekin; besteak beste, Aliantzako lau herrialderekin egindako maniobrak aipatu ditu.
Trumpek erdiko hatza atera dio "pedofiloen babeslea" oihukatu dion Fordeko langile bati
Donald Trumpek erdiko hatza atera dio Fordeko langile bati, Detroiteko auto fabrikara egindako bisitan, langileak "pedofiloen babeslea" oihukatu ostean.
AEB, Danimarka eta Groenlandiako agintariek bilera dute gaur Etxe Zurian, Trumpek uhartea bereganatzeko asmoa duela eta
Etxe Zuriko bileraren atarian, Groenlandiako eta Danimarkako lehen ministroek batasun mezua eman nahi izan dute. Danimarkaren eta Ameriketako Estatu Batuen artean hautatu behar balute, Danimarkaren aldeko hautua egingo luke Groenlandiak, "NATOren eta Europar Batasunaren barnean". Danimarkako gobernuburuak, bere aldetik, nabarmendu du uhartea ez dagoela salgai.
Trumpek protestan jarraitzeko deia egin die irandarrei, eta "laguntza bidean" dela agindu die
AEBko presidenteak mezu bat zabaldu du Truth sare sozialean, "manifestariak hiltzearen arduradunek prezio altua" ordainduko dutela esanez.
Israelen tankeek espainiar patruila bati tiro egin diote Libanon
Israelgo blindatuak segurtasun-eremutik kanpo zeuden, eta Espainiako patruila bere posizioa monitorizatzeko bertaratu zen, Defentsako Estatu Nagusiaren arabera.
Trumpek % 25eko muga-zergak ezarri dizkio Iranekin negozioak dituzten herrialde guztiei
Donald Trump AEBko presidenteak goi-tentsioko nazioarteko neurri ekonomikoa iragarri du: Irango Errepublika Islamikoarekin harreman komertzialak dituzten herrialde guztiei % 25eko zerga ezarriko die. Bitartean, gero eta protesta eta errepresio gehiago dago Iranen.
Donald Trumpek Maria Corina Machado hartuko du ostegunean Etxe Zurian
AEBko presidenteak baztertu egin zuen Venezuelako oposizioaren burua eta Bakearen Nobel sariaren irabazlea bere herrialdeko presidente izateko, Nicolas Maduro atxilotu eta kartzelatu ostean.
Gazako agintea erakunde palestinar teknokratiko baten esku uzteko trantsiziorako argibideak eman ditu Hamasek
Donald Trumpek datozen egunetan Gazarako bake-batzordea osatuko dute kideak izendatuko dituela iragarri ostean egin dute iragarpena. Batzorde hori AEBko proposamenaren bigarren fasean aipatzen da.
Euroganberako instalazioetara sartzea debekatu diete Irango ordezkariei eta diplomatikoei
Errepresio bortitza izan da azken bi asteetan Iranen, protestan ari diren pertsonen kontra, eta Iran Human Rights (IHRNGO) gobernuz kanpoko erakundearen arabera, gutxienez 648 dira hildakoak.
Milaka pertsona atera dira kalera Iranen, Gobernuari babesa adieraztera
Milaka pertsona mobilizatu dira astelehen honetan Irango hiriburuan, Teheranen, eta herrialdeko beste hainbat tokitan, hango Gobernuari babesa adierazteko, azken egunotan izaten ari diren protesten aurrean.