Krisi klimatikoaren aurrean Nafarroa "dagoeneko hitzetatik ekintzetara pasa" dela defendatu du Chivitek
Foru Erkidegoa klima aldaketaren aurkako borrokan dagoeneko "hitzetatik ekintzetara pasa" dela nabarmendu du Maria Chivite Nafarroako presidenteak astelehen honetan; karbono isuriak murrizteko zein enpresei eta etxebizitzei trantsizio energetikoan laguntzeko ekintza plana dutelako.
Larrialdi klimatikoa "herritarren kezka bat" da, adierazi du Chivitek Glasgowko (Eskozia) COP26 goi-bileran. Nafarroako presidentearen hitzetan, Foru Gobernuak "konpromisoa handia" du.
"Gu hitzetatik ekintzetara pasa gara jadanik, eta aitzindariak gara alor horretan", adierazi du politikari sozialistak. Goi-bileran, Nafarroaren eskarmentua partekatu eta "balioa azpimarratu" duela azaldu du.
Industria sektoreari laguntzeko zein etxe eta administrazioen autokontsumoa indartzeko, Gobernuak Next Generation Europako funtsei helduko diela erantsi du Chivitek. Trantsizio energetikoa "justizia sozialetik" egingo dela ziurtatu du presidente nafarrak, "inor atzean ez gelditzeko".
Bestalde, Itziar Gomez Landa Garapen eta Ingurumen kontseilariak gogorarazi duenez, Nafarroa "ingurumen politikekin konpromisoa duen eskualdea da". Horrela, duela hiru urte klimaren aldeko ekintza plana martxan jarri zuen Foru Erkidegoak, bi tresna zehatzekin: KLINa klima aldaketaren bide-orria eta Nafarroako plan energetikoa 2030.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasai eta normal" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta aurrerapen teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.