Iranek ukatu egin du Rushdieren erasotzailearekin inolako loturarik izatea, eta idazlea jo du erantzule bakar
Irango Gobernuak ziurtatu du ez duela inolako zerikusirik Salman Rushdie idazleak ostiralean New Yorken jasandako erasoarekin, baina bere testuekin "marra gorriak" gainditzea eta islama "iraintzea" leporatu dio.
Naser Kanani Irango Atzerri Ministerioko bozeramaileak agerraldi publiko batean adierazi duenez, Teheranek ez du inolako harremanik erasotzailearekin; Hadi Matar 24 urteko gazte libanoarra, Mehr agentziaren arabera. "Rushdie bera eta bere jarraitzaileak dira erasoaren errudun bakarrak, eta zigorra merezi dutenak", adierazi du.
Kananik Rushdie kritikatu du eta esan du bere idazkiekin bera jarri dela 1.500 milioi musulmanen eta beste erlijio batzuetako jarraitzaileen "haserrearen jomugan", mota guztietako "marra gorriak" zeharkatu dituelako.
Indiar jatorriko idazle britainiarra New Yorkeko ospitale batean dago eta, bere egoera larria den arren, hobera egin du eta igandetik ez du arnasgailurik behar.
Rushdie Iranen jopuntuan dago, 'The Satanic Verses' (1988) argitaratu ostean, 1989an Ruholá Jomeini aiatolak fatua bat eman zuenetik hura garbitzeko eskatuz, eleberri hori biraotzat hartu baitzuen komunitate musulmaneko zati batek.
90eko hamarkadaren amaieran, Mohamad Jatamí orduko Irango presidente moderatua fatuatik aldendu zen eta adierazi zuen Gobernuak ez zuela Rushdieren heriotza bultzatzen edo bilatzen.
Hala ere, Irango buruzagi gorenak, Ali Jameneik, fatua berretsi zuen 2017an: "Dekretuak Jomeinik eman zuen bezala jarraitzen du", esan zuen, eta bi urte geroago, fatua "ezeztaezina" dela azpimarratu zuen.
Errepublika Islamikoaren sortzailearen ediktuak indarrean jarraitzen du gaur egun, eta Irango estamentu klerikalari lotutako prentsak ez du zalantzarik izan Rushdieren sastatzea ospatzeko, baina astelehen honetan, bere lehen balorazio ofizialean, Irango Gobernua erasotik aldendu da.
Zure interesekoa izan daiteke
Koro Barriolaren gorpua aurkitu dute Venezuelan, hondakinen artean hildako hirugarren euskalduna
81 urte zituen eta donostiarra zen; Alazne Solabarrieta eta Jon Sustacharen gorpuak aurkitu zituzten aurretik.
"Espainiarekin alferrik da": Trumpek merkataritza guztia eteteko mehatxua egin du
AEBko presidenteak merkataritza-trukeak hausteko asmoa agertu du Espainiak gastu militarra igotzeari uko egin ondotik; Espainiako Gobernuak, berriz, "lasaitasunez eta normaltasunez" hartu du mehatxua.
Trumpek amaitutzat eman du Iranekin adostutako su-etena eta dio ez duela gehiago negoziatu nahi
Donald Trump AEBko presidenteak Ankaran adierazi duenez, Iranekin adostutako su-eten akordioa "amaitu da", eta baztertu egin du negoziazioekin jarraitzea, herrialdea "gaixo, gaizto eta bortitzek zuzentzen" dutela iritzita.
AEBren erasoei "erantzun irmoa" emango diela mehatxatu du Iranek, eta Bahrainek eta Kuwaitek alarmak piztu dituzte
Irango agintariek salatu dutenez, AEBko bonbardaketek hautsi egin dute ekainean lortutako su-eten akordioa, eta Ameriketako Estatu Batuek diote Ormuzeko itsasartean ontzi komertzialen aurka egindako erasoei erantzun zietela.
Marine Le Pen hauteskundeetara aurkeztuko da, Justiziak zigorra murriztu ostean
Iazko martxoan, kargu publikoan aritzeko bost urteko inhabilitazioa eta lau urteko espetxe zigorra ezarri zioten politikari ultraeskuindarrari, diru publikoa bidegabe erabiltzeagatik. Orain, zigor hori hiru urteko espetxe zigorrera eta 15 hilabeteko inhabilitaziora murriztuta geratu da eta ultraeskuineko liderrak iragarri du hauteskundeetan lehian arituko dela.
Politikaren itzala futbolean: Mussolini, Trump eta beste zenbait adibide
Balogunen indultuak mundu mailako oihartzuna izan du; Munduko Kopetan antzeko kasu gehiago izan dira.
Macronek Damaskora egiten ari den bidaiaren agendari eutsiko dio, bere hotelaren ondoan leherketa batzuk izan arren
Bi leherketa gogor izan dira astearte honetan Damaskon, Emmanuel Macron Frantziako presidenteak Siriako hiriburura egindako bisitarekin bat eginez. Agintarien esanetan, badira guxtienez 18 zauritu.
NATO osatzen duten herrialdeetako buruzagiak bilduko dira Ankaran, defentsa gastua eta Ukraina hizpide hartuta
Trump eta aliatu europarren arteko tentsio betean egingo da NATOren goi bilera, presidente estatubatuarrak defentsan gastu nahikorik ez egitea leporatzen baitie. Iazko goi bileran 2035erako defentsa gastua Barne Produktu Gordinaren % 5era handitzea adostu zuten.
UEFAk "ulertezin eta justifikaezin" jo du Balogun indultatzea
Aurrelari estatubatuarrari txartel gorria kentzeak erakundeen kritikak eragiten jarraitzen du Belgikaren aurkako partidaren atarian.
Zer dio 27. artikuluak Balogunek Belgikaren aurka jokatu ahal izateko?
FIFAri "diziplina neurri baten aplikazioa erabat edo partzialki eteteko" gaitasuna ematen dio. Aurrekari bat dago 1962ko Munduko Txapelketan Garrincha brasildarrarekin.