Erresuma Batuak sozietate zergaren igoera eta bankuen hobarietarako muga baliogabetu ditu
Erresuma Batuko Ekonomia ministro berri Kwasi Kwartengek ostiralean baieztatu duenez, zerga korporatiboetako gehikuntza kenduko du, eta bankariek egun jasotzen dituzten hobarietarako muga indargabetuko du. Kwartengek aurkeztutako hazkunde planaren testuinguruan daude neurri horiek.
Komunen Ganberaren aurrean egindako adierazpen batean, Kwartengek adierazi du "larrialdi egoerarako aurrekontua" izango dela, bizitzaren kostuan izandako igoerari aurre egite aldera. Ikuspuntu berria da, "eta hiru lehentasun ditu oinarri: eskaintzaren aldea erreformatzea, finantza publikoetan jarrera arduratsua izatea, eta zergak murriztea, hazkundea bultzatzeko".
Hitzaldian, Kwartengek esan du britainiar Gobernuak "neurri zailak" hartuko dituela, herrialdeko hazkundea suspertzea helburu.
Laburbilduta, Erresuma Batuko Gobernuak iragarri du jaitsiera masiboa izango dela zergetan ekonomia suspertzeko. Hala, errentaren gaineko zerga jaitsiko du 2023ko apiriletik aurrera, eta Ipar Irlandan eta Ingalaterran etxebizitzak erosteagatik ordaindu beharreko zergak behera egingo du.
"Ekonomia britainiarrak, indartsua izateko, beti behar izan du zerbitzu finantzarioak sendoak izatea. Banku globalak behar ditugu hemen enplegua sortzeko, hemen inbertitzeko, eta zergak hemen ordaintzeko, Londresen, ez Parisen, ez Frankfurten, ez New Yorken", zehaztu du Kwartengek. Berretsi ere berretsi duenez, aurreko Ekonomia ministro Rishi Sunakek gizarte segurantzako kontribuzioan iragarritako igoera azaroaren 6tik aurrera indargabetuko dute.
Zure interesekoa izan daiteke
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.
Europa indartzeko eta AEBrekiko harremana bideratzeko deia egin du Merzek, potentzia handien garaian
Alemaniako kantzilerrak europarren aldeko deia egin du Municheko Segurtasun Konferentziaren (MSC) irekiera ekitaldian. 120 herrialdetako 200 estatuburu, gobernuburu eta ministro biltzen ditu hitzordu garrantzitsu horrek.
Bake Batzordeak ez du NBEko Segurtasun Kontseiluaren ebazpena islatzen, Kallasen ustez
Europar Batasunak Kanpo Politikarako duen goi-ordezkariak ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".
AEBk are gehiago leundu ditu Venezuelan aritzen diren petrolio-konpainiei ezarritako murrizketak
Petrolio-ekoizpena nabarmen areagotzeko aukera izango dute Repsol, Eni, Chevron, BP eta Shell enpresek baimen berriei esker. Josu Jon Imaz Repsoleko kontseilari delegatuak aurreratu zuen bere enpresa prest dagoela "Venezuelan gehiago inbertitzeko".
EB kide humanitarioekin harremanetan jarri da Kubako "egoera dramatikoa" ikusita
Venezuelak herrialde horren energia-euskarri nagusia izateari utzi ondoren, erregai-horniduraren gabeziak eragindako krisi larria pairatzen ari dira Kuban, Nicolas Maduro presidentea atxilotu ondoren, Washingtonen eta Caracasen arteko harreman berriaren ondorioz.
Erresuma Batuko Justiziak legez kanpokotzat jo du Palestine Action taldea debekatu izana
Londresko Auzitegi Goreneko hiru epaileek adierazi dutenez, 2020an sortutako taldeak protestak egiteko "delituzko metodoak" erabiltzen baditu ere, bere taktikek ez dute legean ezarritako baremoa betetzen terrorista gisa sailkatu ahal izateko. Betoa indarrean sartu zenetik, 2.700 pertsona baino gehiago atxilotu dituzte Palestine Actioni babesa emateagatik. Horietako asko adinekoak dira, eta babesa adierazteko pankarta bat eramate hutsagatik atxilotu dituzte.
Nils eta Oriana ekaitzek kalte handiak eragin dituzte Europa hegoaldean
Azken orduetan Nils eta Oriana ekaitzek uholdeak, 150 km/h-tik gorako haize-boladak eta milaka pertsona argindarrik gabe utzi dituzte Europa hegoaldean. 2026. urtea hasi denetik inpaktu handiko bederatzi ekaitz iritsi dira Europara.
Trumpek bertan behera utzi du berotegi-efektuko gasen emisioa mugatzen zuen Obamaren irizpena
AEBko presidenteak adierazi duenez, "ibilgailu berri baten batez besteko prezioa ia 3.000 dolar murriztuko du".
"Araudia sinplifikatzea" aztertzen ari da EB, ekonomia suspertzeko
Ursula von der Leyen Europako Batzordeko presidenteak agindu du "araudia sinplifikatzeko ahalegina" egingo dutela, baina, aldi berean, beharrezkotzat jo du herrialde bakoitzak bere lege prozedurak arintzea.
Lotsa bortxatzaileek sentitu behar dutela esan du Gisele Pelicotek epaiketa ondoren emandako lehen elkarrizketan
Xabier Ormazabal Parisko korrespontsalak Pelicotek emandako elkarrizketa jarraitu du. Ez da damutzen epaiketa ateak zabalduta egiteaz eta lotsa bere bortxatzaileek sentitu behar dutela dio. Asteartean 'Eta bizipoza' liburua kaleratuko du.