Benedikto XVI.aren aldeko hileta hartuko du San Petri plazak, 100.000 pertsona inguru bilduta
Vatikanoko San Petri plazak Benedikto XVI. aita santu emerituaren aldeko hileta hartuko du gaur, Frantziskok gidatuta eta dozenaka mila fededun eta agintari bertan daudela. Erromako Poliziaren Buruzagitzaren arabera, 100.000 pertsona bilduko dira.
Hileta 09:30ean hasiko da, basilikaren atarian. Aita santu alemaniarraren gorpuzkiak dituen hilkutxa 40 minutu arinago atera da tenplutik. Han izan da, bi egunez, hil kapera — 200.000 pertsona inguruk bisitatu dute—.
Frantziskok gidatuko du elizkizuna, baina meza Giovanni Battista Re Kardinalen Kolegioko dekanoak emango du.
Segurtasun neurri zorrotzak
Azken egunotan, segurtasun neurri gogorrak izan dira hiri vatikanoan eta gaur, are gogorragoak espero dira. Gauean fededun, turista eta ikusmiran joandako pertsona ugari izan dira Erroman. 06:00etan zabaldu dituzte San Petri plazara sartzeko bideak, eta ilara luzeak ikusi dira.
Izan ere, plazara sartzeko kontrol eta metalak atzemateko detektagailuen galbahea igaro behar da. Ibilgailuek ezin dute plazara sartu, eta inguruan aparkatutakoak ere kendu dituzte.
Segurtasun planaren arabera, aire espazioa zarratuta dago, eta talde zabal izango da ingurua zaintzen: helikopteroak, frankotiratzaileak, terrorismoaren kontrako poliziak, suhiltzaileak... Guztira, 1000 agente.
Zenbait aldaketa hiletan
Zeremonia "solemnea eta soila" izango da, aita santu emerituaren nahia errespetatuta, eta Italiako eta Alemaniako Gobernu eta Presidentetza ordezkariak soilik izango dira.
Benedikto XVI.a aita santu emeritua izanik, ez da estatu hileta izango. Hala, Vatikanoak hainbat aldaketa egin behar izan dituzte aita santuei azken agurra emateko errituan. Adibidez, azken erreguetako otoitzak ez dituzte egingo, Erromakoak eta ekialdeko Elizetakoak; izan ere, aita santu aktiboaren oso espezifikoak dira.
Hiletak hiru ordu iraungo du, eta behin amaituta, Benedikto XVI.aren gorpuzkiak dituen hilkutxa basilikako kriptan ehortziko dute, bertan dago lurperatuta, besteak beste, Joan Paulo II.a.
Bada beste berezitasunik. 1802tik lehen aldiz, aita santu bizi batek, Frantziskok, gidatuko du zeremonia.
Zure interesekoa izan daiteke
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.