Epaitegiak atzeratu egin du Assangeren helegiteari buruzko erabakia eta ez du berehalakoan estraditatuko
Londresko Epaitegi Nagusiak atzeratu egin du Julian Assange kazetariak bere estradizioaren kontra aurkeztutako helegiteari buruzko erabakia, eta ez du berehalakoan kanporatuko.
Auzia aztertu duten bi magistratuek Wikileaksen sortzailearen defentsak emandako argudioetako batzuk onartu dituzte, eta maiatzerako beste auzi saio bat ezarri. AEBri hainbat berme eskatu dizkio epaitegiak: hala nola, akusatua ez dutela heriotza zigorrera kondenatuko, epaiketa justu bat edukiko duela eta AEBko Konstituzioaren lehen emendakina (prentsa askatasunari dagokio) errespetatuko dela.
Washingtonek, hortaz, aste batzuk ditu bermeok betetzeko. Halakorik lortzen ez badu, bere estradizioaren kontrako helegitearekin aurrera jarraitu ahalko du Assangek.
Arnasgunea da erabakia Australiako kazetariarentzat. Izan ere, epaitegiak argudioak onartu ez balitu, estradizioa gauzatzeko bidean legoke. Dena dela, Europako Giza Eskubideen Auzitegira jotzea ere bazeukan Assangek.
Erresuma Batuko gobernuak 2022ko ekainean onartu zuen Assange AEBren esku uzteko erabakia. Ordutik, estradizioa nola edo hala blokeatzen saiatu da kazetaria. AEBk 18 delitu egozten dizkio kazetari eta ekintzaile australiarrari, Wikileaks webgunearen bitartez zabaldu zituen sekretuak tarteko.
Stella Assange: "Julianek ez luke espetxean egun bakarra ere eman behar izan"
Erabakiaren berri izatean, haserre mintzatu da Stella Assange Julian Assangeren bikotekide eta abokatua. Horren ustez, auzia "lotsagarrikeria bat da edozein herrialde demokratikorentzat".
"Julianek ez luke espetxean egun bakarra ere eman behar izan", adierazi die epaitegi atarian bildutako kazetariei.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.