Hungariak iragarri du Nazioarteko Zigor Auzitegitik aterako dela, Netanyahu Budapestera iritsi berritan
Hungariako Gobernuak Nazioarteko Zigor Auzitegitik erretiratzeko erabakia hartu duela iragarri du, Gergely Gulyas Gobernazio ministroak Facebooken argitaratutako mezu batean jakinarazi duenez.
Hungariako Gobernuak "Konstituzioaren eta nazioarteko ordenamendu juridikoaren arabera" hasiko du prozedura, ministroak adierazi duenez. Europa erdialdeko herrialdearen kanpo-politika nabarmen aldatzea eragingo du horrek.
Nazioarteko Zigor Auzitegia "ekimen errespetagarria zen, baina azkenaldian ikusi duguna —eta Benjamin Netanyahu Israelgo lehen ministroaren aurkako akusazioa da horren adibiderik tristeena— erakunde politiko bihurtu da", adierazi dio Gulyasek MTI agentziari.
Netanyahu Budapestera iritsi berritan etorri da iragarpena. Erromako Estatutuan parte hartzen duen herrialde batera egiten duen lehen bisita da, NZAk 2024ko azaroan bere aurkako atxilotze agindua eman zuenetik, Gazako Zerrendan gerra eta gizateriaren aurkako krimenak egiten ari omen zelako.
Viktor Orbanen gobernu ultranazionalistak Budapest bisitatzera gonbidatu zuen Netanyahu, eta behin eta berriz esan du atxiloketa agindua ez zuela beteko, NZAren erabakiak Hungariako zigor kodean "aitortuta" ez daudela argudiatuta.
Orbanek, Netanyahuren gertuko aliatuak, atxiloketa agindua "lotsagabea eta zinikoa" zela esan zuen.
Horrez gain, Hungariako Gobernuak argudiatu zuen Hagan egoitza duen auzitegiak ez duela Netanyahu auzipetzeko "eskubiderik", Israelek Hamas talde islamistaren erasoen aurrean bidezko defentsa egiten duela defendatuz.
Netanyahuren atxiloketa
Hungariak Nazioarteko Zigor Auzitegiaren erabakiak betearazteko "betebehar juridikoa" du, adierazi du auzitegiaren bozeramaile batek Benjamin Netanyahu Israelgo lehen ministroaren bisita dela eta.
"Gortea estatuen menpe dago bere erabakiak betearazteko. Hori, Erromako Estatutuari jarraiki, Gortearekiko betebehar juridikoa bakarrik ez, gainerako estatu alderdiekiko erantzukizuna ere badakar", adierazi dio NZAren bozeramaile batek, eta oraindik ez du aipatu Hungariako Gobernuak auzitegi horretatik erretiratuko dela iragarri izana.
Zure interesekoa izan daiteke
Erlojuaren aurka bila ari dira Venezuelan, lurrikarak izan ostean bizirik atera direnak erreskatatzeko
Nazioartetik bidalitako laguntza taldeak eta baliabide logistikoak iristen hasi dira, Venezuelan bi lurrikara bortitzek eragindako kalteei aurre egiten laguntzeko. 589 hildako zenbatu dituzte momentuz, eta milaka pertsona daude desagertuta.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Euskal jatorriko emakume bat hil da eta beste bi euskal herritar daude desagertuta Venezuelako lurrikaren ostean
Hainbat orduz bila aritu ostean, Alazne Solabarrietaren familiak haren heriotza baieztatu du. Bestalde, Bilboko Venezuelarren Plataformak euskal jatorriko beste emakume baten desagerpenaren berri eman du. Gainera, EITBk jakin ahal izan du ez dagoela 67 urteko bizkaitar jatorriko gizon baten berririk.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.